Home / News / अर्थ / २१ नेपाली कामदारको साउदीमा यसरी भयो बिचल्ली

२१ नेपाली कामदारको साउदीमा यसरी भयो बिचल्ली

फागुन ५। रोजगारदाता कम्पनीले पारिश्रमिक नदिँदा रोजगारीका लागि साउदी अरब आएका २१ जना नेपाली बिचल्लीमा परेका छन् ।
दमामस्थित अलसत्रायन कन्ट्रयाक्टीङ कम्पनीमा कार्यरत ती नेपाली कामदारले आठ महिनाको पारिश्रमिक पाएका छैनन् । रोजगारदाता कम्पनीले गत वर्षको जुलाईदेखि हालसम्मको पारिश्रमिक दिएको छैन । उनिहरु काठमाडौँमा रहेको स्काइवे म्यानेजमेन्ट प्रालि, डीएचआर डेस्टेनी हुमन रिर्सोस र न्यू एसभी ईन्टरनेशलनमार्फत् साउदी पुगेका हुन् । बिचल्लीमा परेको भन्दै पीडितले उद्धारको आग्रह गरेका छन् । पीडितलाई खान बस्नसमेत समस्या भएको छ ।
निर्माण क्षेत्रमा काम गर्ने उक्त कम्पनीले पछिल्लो समय बजारमा काम पाउन नसकेपछि कामदारलाई पारिश्रमिक दिन नसकेको बुझिएको छ । कम्पनीको आम्दानीको स्रोत बन्द भएको भन्दै पारिश्रमिक नदिइएको कामदारको दाबी छ । ‘कम्पनी सञ्चालकले कम्पनीमा आर्थिक अभाव भएको भन्दै पारिश्रमिक दिन मानेको छैन’ एक कामदारले भने ।
पारिश्रमिक नपाएको विषयमा तीन महिना अगाडि नेपाली दूतावासलाई लिखित जानकारी गराए पनि सुनुवाई नभएको पीडितको गुनासो छ । दूतावासलाई पटक–पटक उद्धार गरी पाउँ भनि निवेदन पनि सुनुवाई नभएको उनीहरुको आरोप छ ।
पारिश्रमिक नदिएपछि स्वदेश पठाइदिन आग्रह गर्दै आएपनि कम्पनीले स्वदेश फर्कन दिएको छैन । रोजगारदाताको बेवास्ताका कारण नेपाली कामदार एउटै कोठामा कोचिएर चिसो भुइँमा सुत्न बाध्य छन् । न्यायका लागि दुई महिना अघि श्रम अदालतमा मुद्दा हालेपनि अदालतले समेत सुनुवाई नगरेको उनको गुनासो छ ।
दाङका गंगाबहादुर पुन मगर ऋण काढेर मेनपावर कम्पनीलाई रु एक लाख दश हजार बुझाएर १४ महिना अघि साउदी आएका हुन् । ‘साहुसँग लिएको ऋण कसरी चुक्ता गर्ने पिरलो भएको उनीहरुले बताएका छन् ।

Check Also

महराले भने– ‘आर्थिक समृद्धि अहिलेको आवश्यकता’

कात्तिक २७ । उपप्रधानमन्त्री तथा अर्थ मन्त्री कृष्णबहादुर महराले तत्काल स्थानीय निकायको निर्वाचन हुनुपर्ने बताए …