Home / News / समाचार / एमाओवादीसँग पार्टी एकताबारे वैद्य र बादलबीच विवाद

एमाओवादीसँग पार्टी एकताबारे वैद्य र बादलबीच विवाद

फागुन १८। एमाओवादीसँग विभाजित भएको दुई वर्षभित्रै थप विभाजन झेलेको नेकपा क्रान्तिकारी माओवादीमा पुनः विवाद बढेको छ ।

एमाओवादीसँग पार्टी एकताको विषयलाई लिएर विवाद बढेको आजको नयाँ पत्रिका दैनिकमा समाचार छ । बैद्य माओवादीमा एमाओवादीसँग एकता गर्ने नपर्ने विषयले दुई लाइन संघर्ष चलेको छ ।

एकताको विषयले अध्यक्ष मोहन बैद्य र महासचिव रामबहादुर थापा बादलबीच विवाद उत्कर्षमा पुगेको छ । कतिपयले यही विषयले बैद्य माओवादीमा फेरि विभाजन आउने बताउन थालेका छन् ।

स्रोतका अनुसार अध्यक्ष बैद्य राजनीतिक कार्यदिशासहितका विषयमा एमाओवादी सच्चिए मात्रै एकता गर्न सकिने पक्षमा छन् भने थापा तत्कालै माओवादी पार्टीहरुबीच निःसर्त एकताको पक्षमा छन् ।

विभाजन हुँदा माओवादी शक्ति कमजोर भएको र यथास्थितिवादीहरुले खेल्ने मौका पाएको भन्दै थापा एकता गरेपछि पनि अन्य कार्यदिशाका विषयमा छलफल गर्न सकिने पक्षमा उभिएका छन् ।

तर, वैद्य भने सिद्धान्त नमिलेसम्म एकता हुन नसक्ने अडानमा छन् । प्रचण्डलाई स्थापित गर्न मात्र एकता गर्न नहुने वैद्यको भनाई छ ।
 

Check Also

kc

आइओमका नव नियुक्त डिन डा. केपी सिहले राजीनामा, केसीले अझै अनसन तोडेनन्

मंसिर १७ । विगत २० दिनदेखि अनसनरत डा. गोविन्द केसीको जीवन रक्षाको लागि लागि भन्दै …