Home / News / अन्तर्वार्ता / हामी सक्षम नेतृत्वसहित आएका छौँ, हाम्रो विजयी निश्चित छः सुवर्णा

हामी सक्षम नेतृत्वसहित आएका छौँ, हाम्रो विजयी निश्चित छः सुवर्णा

सुवर्ण श्रेष्ठ ‘संयुक्त व्यवसायिक समूह’ प्यानलको द्वित्तीय उपाध्यक्ष पदको उम्मेदवार बनेकी छिन् । मदिना इन्टरनेशनल सर्भिसेज प्राली सञ्चालन गरेर बसेकी श्रेष्ठ बैदेशिक रोजगार व्यवसायी संघकी पूर्व सचिव पनि हुन् । यही असार ३० मा हुने निर्वाचनका लागि उम्मेदवार बनेकी श्रेष्ठसँग विश्वन्युजले गरेको कुराकानीः

यही असार ३० मा हुने वैदेशिक रोजगार व्यवसायी संघको द्वित्तीय उपाध्यक्ष पदमा उम्मेदवारी दिनुभएको छ । तपाईँको उम्मेद्वारी किन ?

मेरो उम्मेदवारी सबै भन्दा पहिला बैदेशिक रोजगार ब्यबसायलाई एउटा गर्विलो ब्यबसायको रुपमा स्थापित गर्न रहेको छ । त्योसँगै ब्यबसायीले आफ्नो छाता संगठनका रुपमा संघ आफ्नै हो भन्ने महशुस हुने गरि काम गर्न, ब्यबसायीले भोग्दै आएका समस्या र चुनौतीलाई नीतिगत रुपमै समाधान गर्न र संसोधनको प्रक्रियामा रहेको वैदेशिक रोजगार ऐनको प्रस्तावित मस्यौदालाई ब्यबहारिक, ब्यबसायी मैत्री बनाउन पनि मेरो उम्मेदवारी हो । म निर्वाचित भएपछि बैदेशिक रोजगारमा जाने कामदारको जिम्मेवारी र कर्तब्यलाई ऐनमा नै ब्यबस्थापन गर्न पहल गर्ने छु । त्योसँगै राहदानी लिनु अगाडि नै अभिमुखीकरण तालिमको व्यवस्था गर्ने, आबश्यक मुलुकहरुमा बजार प्रबद्दन गर्न सहजताका लागि जब फेयर तथा भ्रमण आयोजना गर्ने जस्ता कुरामा पनि मेरो पहल हुनेछ ।

एजेन्टको ब्यबस्थापन गर्न र यसका बिकृति हटाउन, विभिन्न सरकारी तथा गैरसरकारी निकायसंग समन्वय गरि सीप बिकासको तालिम दिन, दुई देशबीच श्रम सम्झौता गराउन पहल गर्दै संस्थागतरुपमा घरेलु कामदार पठाउने व्यवस्था ल्याउन पहल गर्ने कुरामा म निर्वाचित भएपछि लाग्ने छु । व्यवसायीहरुको हरेक पहलको साथी बन्न, महिला ब्यबसायीको सशक्तिकारण गर्न पनि मेरो उम्मेदवारी हो ।

तपाईं निर्वाचित भएपछि संघलाई व्यवस्थित बनाउने अरु योजना पनि त होलान नि ?

निश्चय पनि म विजयी भएपछि संघलाई व्यवस्थित बनाउन अहोरात्र खट्ने छु । म संघमा सदस्य, सचिव भएर काम गरेको अनुभव पनि मसँग छ । त्यसैले संघलाइृ व्यवस्थित बनाउने धेरै योजना मसँग छन् । रेमिट्यान्सले समग्र राष्ट्रको आर्थिक पाटो धानेको छ । हामीले जति योगदान गरेपनि यसको उजागार गर्न सकेका छैनौ । हामीले पटक–पटक यसको महत्व र व्यवस्थित बनाउने कुरा उठादै आएका छौं । तर, हामीलाई हेर्ने नजर अलिकति पनि बदलिएको छैन । हामीले हाम्रोतर्फबाट जति फाइदा समाजलाई दिएपनि समाजमा केहि परिवर्तन आउन जरुरी छ । त्यसका लागि स्थानीय तहमा स्थानीय प्रतिनिधिसँग मिलेर काम गर्ने योजना छ ।

त्यो बाहेक अन्य योजना पनि होलान नि ?

हामीले निशुल्क कामदार पठाउनुपर्ने तर सरकारले (जीटुजी)को नाममा चर्को असुली गर्ने यो विषय पब्लिकमा पुगेको छैन । त्यसैले सरकारले लिने शुल्क हामीले पनि लिन पाउनुपर्छ भन्ने विषयलाई मिडिया र जनतासम्म पुराउने मेरो योजना छ ।
। विभिन्न वाहानामा व्यवसायीलाई सरकारले दुख दिने काम गरेको छ ।

छापा हान्ने, झुट्टा मुद्धा चलाउने र व्यवसायीसँग बार्गेनिङ गर्ने काम भैरहेको छ । व्यवसायीलाई कारवाही गर्नुअघि संघसँगको छलफल, समन्वय र सहभागितका लागि नियमन निकायलाई म आग्रह गर्ने छु । धेरै बर्षदेखि नयाँ गन्तव्य थपिएको छैन । सरकारले नयाँ गन्तव्य खोज्न ४ बर्षअघि समिती बनाएको थियो । अब व्यवसायीको पहलमा सरकारलाई समेटेर हामी आफैले गन्तव्य खोज्नुपर्छ । सरकारले त्यस मुलुकसँग श्रमसम्झौता र पुलको काम गर्नुपर्छ । रोजगारदाता मुलुक र हामीले निजी क्षेत्रको सहकार्यमा अगाडी बढ्नका लागि उद्योग बाणिज्य महासंघलाई भूमिका निर्वाह गर्न आग्रह गर्नेछु ।

तपाईँको जित्ने आधार के–के छ ?

वर्तमान नेतृत्वबाट दिक्क भएका व्यवसायीहरुले हामीप्रति गरेको विश्वासलाई विश्वासघात नगरी काम गर्ने छौँ । यो हाम्रो प्रतिवद्धता हो । त्यसैले हामीले सबैसँग आग्रह गरेका छौँ । हामीले हाम्रो ‘संयुक्त व्यवसायिक समूह’मा महिला, आदिवासी जनजाति, मधेसी सबैलाई समावेश गरेका छौँ । सात जनाको पदाधिकारीमा हामीले महिला आदिवासी, जनजाति सबैलाई समेटेका छौँ ।

हामीलाई केही साथीहरुले द्वितिय उपाध्यक्ष, कोषाध्यक्ष सदस्यमा दुई जना महिला समावेश गरेका छौँ । उनीहरुले महिलाले के गर्न सक्छन् र ? भनेर आलोचना गरेको पनि हामीले सुनेका छौँ । म उहाँहरुलाई भन्न चाहन्छु । अहिले हाम्रो देशको सर्वोच्च पद राष्ट्रपति महिला हुनुहुन्छ । सभामुख महिला हुनुहुन्छ । केही समय अघिसम्म सर्वोच्च अदालतको प्रधानन्यायाशीस पनि महिला नै हुनुहुन्थ्यो । अहिले उद्योग बाणिज्य महासंघको अध्यक्ष पनि महिला नै हुनुहुन्छ । त्यसैले हामी उहाँहरुलाई पनि हामीबाट सिक्नुहोस् भन्ने सुझाव दिन्छौँ ।

Check Also

अमेरिकी मूलधारमा जाने एउटा ‘वे’

अमेरिकाको क्यालिफोर्नियामा सन् २००६ मा नेपालीहरुको सहभागितामा बर्कली अन्नपूर्ण लायन्स क्लब स्थापना गरी त्यसको संस्थापक …

Leave a Reply

Your email address will not be published. Required fields are marked *