Home / News / समाचार / रौतहट पुरै जलमग्न, बकैया नदीनै गाउँ पस्दा सयौँ घर डुवानमा

रौतहट पुरै जलमग्न, बकैया नदीनै गाउँ पस्दा सयौँ घर डुवानमा

साउन २८ । तीन दिनदेखि अविरल वर्षाबाट रौतहटको बकैया नदीमा आएको बाढी गाउँ पसेपछि सयौँ घरका बासिन्दा विस्थापित भएका छन् ।

देवाही गुनाही गाउँपालिकाअन्तर्गत रहेको साविक देवाही गाविस–८ र ९ का टोलमा बकैया नदीको तटबन्ध भत्काएर गाउँ पसेको हो । बकैया नदीले बाँध कटान गरेपछि देवाही गाविस–८ का करिब एकसय भन्दा बढी घर डुबानमा परेको स्थानीय शेख फुलबाबुले बताए ।
त्यसैगरी, सोही नदीले करुनिया गाविस–४ मा बाँध फुटाएर बाढी गाउँमा पसेको छ । सो गाउँमा पनि सयभन्दा बढी घर डुबानमा परेको फुलबाबुले जानकारी दिए । उक्त ठाउँमा अहिले उद्धारका लागि प्रहरी पुगेको छ ।

वर्षाको पानीले जिल्लाको पूुर्वीभेग – मत्सरी, सरुअठा, मलहनिया, समनपुुर, पश्चिमी भेगका देवाही, करुनिया, जिंगडवा, मर्यादपुर, इनरवा, मटिअर्वा, कटहरिया, कर्कच कर्मैया, भसेढवा, बडका बडेरवा, फतुुआ, हर्षाहा, लक्षमिनिया, शीतलपुर, बरगिनियालगायत चारदर्जन भन्दा बढी गाँउ डुुबानमा परेका छन् ।

अविरल पानी पर्दा बाढीले सदरमुकाम गौर, झुन्खुन्वा राजदेवी, बेलबिछवा, ब्रहमपुरी, बडहर्वा, वसतपुरलगायतका गाउँ डुबेको राष्ट्रिय जनता पार्टीका महासचिव अजय गुप्ताले जानकारी दिए ।

पानीको बाढीले गरुडाको झाँझपुल नजिकै दुुईवटा विद्युुतको पोल ढलेपछि दक्षिणी भेगमा विद्युत सेवासमेत अवरुद्ध भएको छ ।

प्रमुख जिल्ला अधिकारी उद्धबबहादुर थापाले अविरल पानीले जिल्ला पुरै डुबानमा परेको तर हालसम्म मानवीय क्षति भने नभएको दिए ।

Check Also

घलेम्दी जलविद्युत् आयोजनाको सुरुङ निर्माण सकियो

भदौ ५। म्याग्दीको अन्नपूर्ण गाउँपालिका–४ नारच्याङमा निर्माणाधीन घलेम्दी जलविद्युत् आयोजनाको सुरुङ खन्ने काम सकिएको छ …

Leave a Reply

Your email address will not be published. Required fields are marked *