रणजोर खोलाले १६ जनालाई बगायो, १५ को उद्धार

रामेछाप, वैशाख ३१ ।  भारी बर्षापछि आएको बाढीले रामेछापमा १६ जनालाई खोलाले बगाएको छ  । ती मध्ये १५ जनाको उद्धार भए पनि एक जना भने अझै वेपत्ता छन् ।  कक्षा ११ को परीक्षा दिन हिडेका १६ जना विद्यार्थीलाई रामेछापको रणजोर खोलाले बगाएको हो ।  पानीसँगै खोलामा आएको बाढीले १६ जनालाई बगाएको हो ।  ती मध्ये १५ जनाको उद्दार गरिएको जिल्ला प्रहरी कार्यालय रामेछापले जानकारी दिएको छ ।

ती मध्ये पनि ३ घाइते जनाको अवस्था गम्भीर  छ । घाइते हुनेमा  १७ वर्षीया मनिषा पाण्डे, सोही उमेरकी जानुका बुढाथोकी र वर्ष १८ की निशा शाह  छन् ।

वेपत्ता भएकी १७ वर्षकी उस्मा फुयाँलको खोजीकार्य जारी रहेको प्रहरीले बताएको छ । उनीहरुलाई कक्षा ११ को परीक्षा दिन मन्थली उमावी भदौरे जाँदैगर्दा बाटोमा पर्ने रणजोर खोलाले बगाएको हो ।