प्रहरीको ध्यान अब गुण्डानायिकेको सहयोगितिर, लामा प्रहरी फन्दामा

प्रहरीको ध्यान अब गुण्डानायिकेको सहयोगितिर, लामा प्रहरी फन्दामा
 
काठमाडौँ, असार २८ ।  गुण्डा नाइके मात्र होइन अब गुण्डा नाइकेका सहयोगी पनि प्रहरीको नजरमा पर्न थालेका छन् । महानगरीय प्रहरी परिसर काठमाडौंबाट खटिएको प्रहरी टोलीले दावा लामाका सहयोगी सत्यमान लामा पक्राउ गरेपछि अब प्रहरीको ध्यान गुण्डा नायिकेको सहयोगीसम्म पुगेको खुलासा भएको हो ।  लामालाई काठमाडौंबाट पक्राउ गरेको हो । 
 
नेपाल प्रहरीको ‘क’ बर्गको सूचीमा रहेका दावा लामाको ‘मुन्सी’को रुपमा काम गर्दै आएका सत्यमान लामाबारे लुटपाट, गुण्डागर्दी तथा अवैध डलर कारोबारबारे उजुरी परेको महानगरीय प्रहरी परिसर काठमाडौंका प्रमुख (एसएसपी) विश्वराज पोखरेलले जानकारी दिएका छन् । 
 
पछिल्लो समय प्रहरीले आफूलाई उच्च निगरानीमा राखेको सूचना पाएसँगै दावा लामाले काठमाडौं छाडेका छन् । दावा काठमाडौं छाडेर भारतको सिक्कीममा लुकेर बस्न थालेपछि उनको कारोबार सत्यमानले सम्हाल्दै आएको बताइएको छ । 
 
काभ्रे र रामेछापमा पाइने बुद्धचित्त मालाको तस्करीमा संलग्न सत्यमानमाथि गतबर्ष काभ्रेको सिपालीका किसानको माला लुटपाट गरेको आरोप लागेको थियो । यसअघि रक्तचन्दन तस्करीमा प्रहरीले उनलाई पक्राउ गरेर कारावाही गरेको थियो । 
 
No comment yet. Be the first one to comment.

नयाँ अपडेट


जनमत


नेपाललाई मदिरा निषेध मुलुक बनाउन ठीक होला ?

विचार