दाङ पुगेर सभामुख महराले भने– ‘सकारात्मक कुरालाई ग्रहण गर्नुपर्छ’

 दाङ पुगेर सभामुख महराले भने– ‘सकारात्मक कुरालाई ग्रहण गर्नुपर्छ’
 
दाङ, असोज २५ । सभामुख कृष्णबहादुर महराले चाडपर्वले सबैलाई एकआपसमा सद्भाव बढाउने बताएका छन् ।  ब्रह्माकुमारी ईश्वरीय विश्वविद्यालय दाङले घोराहीमा आयोजना गरेको शुभकामना आदानप्रदान कार्यक्रममा उनले सकारात्मक कुरालाई ग्रहण गर्नुपर्ने र नकारात्मक कुरालाई हटाउनुपर्नेमा जोड दिए । 
सभामुख महराले ईश्वरीय विद्यालयले विज्ञान, आध्यात्मिक ज्ञान र पर्यावरणलाई एकैसाथ जोड दिएको पनि बताए ।  राष्ट्रियसभाका सदस्य अनिता देवकोटा, प्रदेशसभा सदस्य अम्मर डाँगी, जिल्ला समन्वय समितिका अध्यक्ष जीतेन्द्रमान नेपालीलगायतले नेपालको मौलिक चाडपर्वलाई प्रवद्र्धन गर्नुपर्ने आवश्यकतामाथि जोड दिए ।  
यसैबीच त्रिभुवन नगर जेसिजका अध्यक्ष लालमणि भण्डारीको नेतृत्वमा गएको टोलीले आज सभामुख महरासँग भेट गरी जेसिजग्रामका रुपमा विकास गर्न थालेको घोराही–१३ मौलाकोटका लागि विभिन्न योजना समेटिएको अनुरोधपत्र हस्तान्तरण गरेको छ । 
सो अवसरमा सभामुख महराले जेसिजग्रामको गुरुयोजना निर्माण गर्न आग्रह गर्दै मौलाकोटमा भ्यू–टावर निर्माण गर्ने, बाटो, बिजुली र विद्यालयजस्ता आधारभूत पूर्वाधार तयार पार्नका लागि स्थानीय र प्रदेश सरकारले सहकार्य गर्नुपर्ने बताए । 
No comment yet. Be the first one to comment.

जनमत


नेपाललाई मदिरा निषेध मुलुक बनाउन ठीक होला ?

विचार