डाेजरे विकासमा सरकारकाे अंकुश, फागुन १ देखि १ कराेडसम्मका याेजनामा डाेजर लाउन निषेध

डाेजरे विकासमा सरकारकाे अंकुश, फागुन १ देखि १ कराेडसम्मका याेजनामा डाेजर लाउन निषेध

२६ माघ २०७५

 सरकारले  १ करोडसम्मका आयोजनामा डोजर प्रयोग गर्न नपाइने निर्णय गरेको छ । 

शुक्रबार बसेको मन्त्रिपरिषद् बैठकले ‘प्रधानमन्त्री रोजगार कार्यक्रम निर्देशिका’ पारित गरेसँगै डोजरको बढ्दो अनधिकृत प्रयोगमाथि अंकुश लाग्ने भएको हो ।

निर्देशिका फागुन १ गतेदेखि लागू हुनेछ । सरकारले डोजरको प्रयोगले देशभित्रै पर्याप्त रोजगारीको अवस्था सिर्जना गर्न अवरोध गरेको निष्कर्ष निकाल्दै श्रम, रोजगार तथा सामाजिक सुरक्षा मन्त्रालयले तयार पारेको निर्देशिकामा १ करोडसम्मका आयोजनामा डोजर प्रयोग गर्न नहुने प्रावधान समेटिएको हो ।

यद्यपि प्राविधिक रुपमा असम्भव स्थानमा भने डोजर प्रयोग गर्न निर्देशिकाले प्रतिवन्ध लगाइएको छैन । तर, त्यसका लागि प्राविधिक टोलीको सिफारिस भने चाहिने छ ।

निर्देशिकामा १ करोडसम्मका आयोजनामा उपलब्ध भएसम्म श्रममूलक प्रविधि प्रयोग गर्नुपर्ने व्यवस्थासमेत गरिएको छ ।

तीनवटै तहले सञ्चालन गर्ने विकास आयोजनाको कुल बजेटको निश्चित प्रतिशत श्रमिकको ज्यालामा खर्च गर्नुपर्नेलगायतका व्यवस्था पनि निर्देशिका समेटिएको छ । 

No comment yet. Be the first one to comment.

नयाँ अपडेट


लोकप्रिय


जनमत


के विदेशमा गरिखाने वर्गका लागि गैर आवासीय नेपालि संघको सदस्यता , औचित्य छ ?

विचार