डायस्पोरा

पर्यटन प्रवद्र्धनमा महाबाणिज्य दूतावासको सक्रियता

कल्पना घिमिरे 
न्यूयोर्क(अमेरिका) ।  
 
पछिल्लो समय न्यूयोर्कस्थित नेपाली महाबाणिज्य दूताबास नेपालको पर्यटन प्रवद्र्धनमा सक्रिय देखिएको छ । नेपाली पर्यटनलाई विश्वभर फैलाउने उदेश्यले अन्तराष्ट्रियस्तरका संघसंस्थासंग बिभिन्न चरणमा छलफल गरिरहेको दूताबासले शनिबार न्यूयोर्कमा एक बृहत अन्तक्रिया गरी नेपालको कला संस्कृति, पर्यटकिय स्थलबारे जानकारी गराएको हो । अमेरिकाभर ‘ट्राभल एण्ड टुरिज्म’ क्षेत्रमा सक्रिय रहेको प्यासिफिक एसिया ट्राभल एसोसिएसन (पाटा)का  प्रतिनिधिहरुको सहभागितामा अन्तरक्रिया गरिएको थियो । नेपाल सरकारको दश वर्षभरीको तथ्याङ्क हेर्दा बर्षेनी औसत ५० हजारको हाराहारीमा अमेरिकीहरु नेपाल जाने गर्छन् । 

सहयोग संकलन सुरु

डलास(टेक्सस) । 
डलास नजिक गारलेण्डमा रहेको एक स्टोरमा शनिवार राती लुटेराको गोलीबाट मारिएका मनिष पाण्डेको परिवारको सहयोगार्थ आर्थिक संकलन सुरु गरिएको छ । गो फन्ड मी मार्फत आर्थिक सहयोग संकलनको काम सुरु गरिएको हो । व्यवसायी निरज पन्तले गो फन्ड मी मा अकाउण्ट खोली सहयोग संकलनको काम अघि बढाएका छन् ।  ५० हजार डलर सहयोग संकलन गर्ने लक्ष्य राखिएकोमा हाल सम्म झण्डै १६ हजार संकलन भैसकेको छ । सबैंले सकेको सहयोग गर्दा त्यो सहयोगले पाण्डेको परिवारलाई केही राहत पुग्ने भएकाले गो फन्ड मि मा गएर सकेको सहयोग गर्न नेपाली समाज टेक्ससका अध्यक्ष सुमन थापाले सबैंमा आग्रह गरे । 

मगर संघ अमेरिका न्यूयोर्क च्याप्टरको आयोजनामा विषेश कार्यक्रम सम्पन्न

मगर संघ अमेरिका न्यूयोर्क च्याप्टरको आयोजनामा  जनवरी २१ मा मगर हरूको महान सांस्कृतिक पर्व माघे संक्रान्तिको अवसर पारेर ‘माघे संक्रान्ति सांस्कृतिक तथा लोकदोहोरी कार्यक्रम २०१८’ सम्पन्न भएको छ । हरेक वर्ष मगर संघ अमेरिका न्यूयोर्क च्याप्टरको आयोजनामा  यो पर्व मनाउने गरिएको आयोजकहरुले जानकारी दिएका छन् ।

लुटेराको गोलीले नेपालीको ज्यान गयो

डलास (टेक्सस) । 
अमेरिकाको टेक्सस राज्यको डलास नजिकको शहर गारलेण्डको एक कन्भिनियन्स स्टोरमा लुटपाट गर्न आएको हतियारधारीले चलाएको गोलीबाट त्यहा कार्यरत एक नेपालीको ज्यान गएको छ । प्रहरीले समेत मृतकको नाम सार्वजनिक गरेको छैन भने उनका परिवारले समेत नाम सार्वजनिक नगर्न आग्रह गरेका छन् । 

एनआरएन अमेरिकाको सदस्यलाई सहुलियत अभियान

विश्व न्यूज संवाददाता 
डलास (टेक्सस) । 
गैर आवासीय नेपाली संघ राष्ट्रिय समन्वय परिषद् अमेरिका (एनआरएन अमेरिका) ले सदस्यहरुलाई विभिन्न व्यवसायिक प्रतिष्ठानमार्फत सहुलियत अभियान सुरु गरेको छ ।   सदस्यहरूलाई आर्थिक सहुलियत प्रदान गर्नका लागी अमेरिका स्थित ८ वटा स्थानीय व्यापारिक संस्थानहरु सग सम्झौता गरेको एनआरएनए अमेरिकाले जनाएको छ । केही दिन भित्रै थप १० वटा संस्थासाग सम्झौता गरिने र त्यो प्रक्रिया अन्तिम चरणमा पुगेको बताएको छ । 

परिवर्तित कर प्रणालीका बारे अन्तरक्रिया

विश्व न्यूज संबाददाता 
डलास (टेक्सस) ।
 
अमेरिकामा परिवर्तित कर प्रणालीका सन्दर्भमा टेक्ससको अर्विगंमा रहेका नेपाली व्यापारी व्यवसायीबीच अन्तरक्रिया गरिएको छ । 
राष्ट्रपति डोनाल्ड ट्रम्प  प्रशासनले कर प्रणालीमा गरेको फेरबदलले पार्ने प्रभावमा सन्दर्भमा नेपाली व्यापारी व्यवसायीलाई जानकारी गराउन यहा रहेको नेपलिज अमेरिकन च्याम्बर अफ कमर्शले अन्तरक्रिया गरेको हो । 
 

विश्व फिल्म महोत्सवमा नेपालीले बनाएका दुई वृत्तचित्र

कल्पना घिमिरे
न्यूयोर्क (अमेरिका ) ।
न्युयोर्कको एक प्रतिष्ठित क्विन्स विश्व फिल्म महोत्सवमा दुई नेपाली युवाहरुले बनाएको बृतचित्र प्रदर्शनी हुने भएको छ । आगामी मार्च १५ देखि २५ तारिखसम्म न्युयोर्कको क्विन्समा हुने फिल्म महोत्सवमा नेपाली युवाहरुले बनाएको दुई बृतचित्र प्रदर्शनी हुनेछन् । 
फिल्म फेस्टिभलमा डकुमेन्ट्री विधामा पत्रकार अनुज थापाले बनाएको बृतचित्र ‘फाइटिङ फर जस्टिस’(न्यायको लागि लडाई) छनौट भएको छ भने नेरेटिभ विधामा निर्देशक रोशन विक्रम ठकुरीको ‘सिल्भर ब्याङ्गल्स’ (चाँदीको चुराहरु…) छनौटमा परेको छ । 

अर्विगंको एक अपार्टमेण्टमा आगलागी

डलास(टेक्सस) । अमेरिकाको टेक्सस अर्विगंमा रहेको एक अपार्टमेण्टमा शुक्रवार आगलागी भएको छ । पायोनियर पार्क वे मा रहेको वाटर रिज अपार्टमेण्टमा भएको आगलागीवाट झण्डै १८ देखि २२ अपार्टमेण्टमा पुर्ण रुपमा क्षतिग्रस्त भएको अर्विगं प्रहरीलाई उद्दृत गर्दै यहाको अनलाइन न्युज डब्लुएफएएले जनाएको छ । डलास अर्विगं फोर्टवर्थ क्षेत्र नेपालीहरुले बाक्लो बसोवास भएको क्षेत्र भित्र पर्दछ । यहाका अपार्टमेण्टहरुमा नेपालीहरु बस्ने गरेका छन् । 

तामाङ सोसाइटी अफ नर्थ अमेरिकामा नयाँ नेतृत्व

उत्तर अमेरिकाभरि छरिएर रहेका तामाङहरु एकै ठाउँ भेला भएर तामाङ सोसाइटी अफ नर्थ अमेरिका गठन गरी नयाँ नेतृत्व चयन गरेका छन् । 

टिपिएस नविकरणका लागि सामुहिक पहलमा जोड

न्यूयोर्क । 
टिपिएस नविकरणका लागि सबैंले सामुहिक ढंगवाट पहल गर्नुपर्ने आवश्यकता एक कार्यक्रममा औल्याइएको छ । 
गैरआवासीय नेपाली संघ, अमेरिका, न्यूयोर्क च्याप्टरद्धारा न्यूयोर्कमा आइतबार आयोजित, कार्यक्रमका सहभागिहरुले एकिकृत ढंगवाट अघि बढ्दा नविकरणका लागि सहयोग पुग्नेमा जोड दिए । 
सो अवसरमा नेपाली महाबाणिज्य दुतावास न्यूयोर्कका महाबाणिज्यदुत मधु मरासिनीले नेपाल सरकारले काठमाण्डौस्थित अमेरिकी दुतावास र डिसिस्थित नेपाली दुतावास मार्फत टिपिएस नविकरणको लागी पहल जारि राखेको बताए । 

एफवान सेमिनार सम्पन्न

डलास (टेक्सस) । नेपाली समाज टेक्ससले आइतवार टेक्ससको अर्विगंमा विद्यार्थी केन्द्रीत सेमिनार गरेको छ । अमेरिकामा खासगरी एफ वन भिसामा रहेकाहरुलाई लक्षित गरेर गरिएको सेमिनारमा एफ वन भिसामा रहदा यहा ध्यान दिनुपर्ने विषयहरु, अमेरिका र टेक्ससको कानुनमा विद्यार्थीसग सम्वन्धित रहेका  विषयहरु, कानुनी समस्याहरुका बारेमा छलफल गरिएको थियो । 
 

टेक्ससमा गजल उत्सव

डलास(टेक्सस) ।
गजल यात्रा टेक्ससको आयोजनामा आइतवार अर्विगंमा गजल उत्सव गरिएको छ । टेक्ससको डलास, ह्युस्टन, अस्टिन, वाको लगायतका स्थानवाट गजल श्रष्टा तथा गजल पारखीहरुको उपस्थिति कार्यक्रममा रहेको थियो ।
 

एनआरएनको करिअर फेयर

डलास(टेक्सस) ।
गैर आवासीय नेपाली संघ राष्ट्रिय समन्वय परिषद् अमेरिकाको टेक्सस च्याप्टरले आइतवार टेक्ससको अर्विगंमा करियर फेयर कार्यक्रम सम्पन्न गरेको छ । अमेरिकामा रहेको एनआरएनले यहा रहेका नेपालीलाई लक्षित गरी कार्यक्रम नगर्ने गरेको आरोप लागिरहदा टेक्सस च्याप्टरले यहा रहेका नेपालीलाई लक्षित गरी करियर फेयर कार्यक्रम गरेको हो ।
 

लामिछानेद्धारा धन्यवाद ज्ञापन

डलास । 
नेपाली समाज टेक्ससका निवर्तमान अध्यक्ष कृष्ण लामिछानेले आफ्नो कार्यकालमा सहयोग गर्ने सबै प्रति आभार व्यक्त गरेका छन् । आफ्नो २ वर्षे कार्यकालमा सहयोग पुर्याउने कार्यसमितिका पदाधिकारी तथा सदस्यहरु, पुर्व अध्यक्ष तथा पदाधिकारीहरु, नेपाल आध्यात्मिक तथा सांस्कृतिक केन्द्रसहीत डलास वरपर रहेका विभिन्न संघसंस्थाका अध्यक्ष एवं पदाधिकारीहरु, मिडियाकर्मी तथा डलास वरपर वस्ने सम्पुर्ण नेपालीमा लामिछानेले धन्यवाद दिएका छन् । 

नेपाली समाजमा पदहस्तान्तरण

डलास । 
नेपाली समाज टेक्ससमा नव निर्वाचित कार्यसमितिलाई एक कार्यक्रमका विच पदहस्तान्तरण गरिएको छ । समाजको केही दिन अघि सम्पन्न निर्वाचनबाट सुमन थापाको नेतृत्वमा नया कार्यसमिति चुनिएको छ । थापा निवर्तमान समितिका सहकोषाध्यक्ष पनि हुन् । शनिवार निर्वाचन समितिले गरेको पदहस्तान्तरण कार्यक्रममा निवर्तमान बनेको कृष्ण लामिछानेको कार्यसमितिले वर्तमान समितिलाई पद सुम्पिएको थियो । 

तेरिया-लिम्बु साझबाट बाइस हजार संकलन

प्रकाश क्षेत्री 
क्यानडा । 
क्यानडाको क्यालगरीमा गत डिसेम्वर २५ (क्रिसमस) का दिनमा सम्पन्न तेरिया मगर एण्ड दिपक लिम्वु साँझबाट २२ हजार क्यानेडियन डलर संकलन भएको छ ।  आयोजक संस्था नेपलिज कम्युनिटी सोसाईटी अफ क्यालगरी (एनसिएससी) ले एक कार्यक्रमको आयोजना गरी सो रकम संकलन गरिएको आयव्यय सार्वजनिक गरेको छ । 
एनसिएससि रिसोर्स सेन्टर निर्माण गर्ने उद्धेश्य सहित आयोजना गरिएको उक्त फन्डरेइजिङ्ग–सो बाट करीव ३७ हजार क्यानेडियन डलर आम्दानी भएको जनाईएको छ । कार्यक्रममा ६ सय ५० भन्दा बढी नेपाली तथा इन्डियन दर्शकहरुको उपश्थिती रहेको थियो ।
कार्यक्रममा १७ हजार ३ सय ८० क्यानेडियन डलरको टिकट विक्री भएको थियो । 

टीपीएस नवीकरणको चिन्ता

न्यूयोर्क । अमेरिकामा रहेका कागजविहीन नेपालीलाई फाइदा पुगिरहेको टेम्पोररी प्रोटेक्टेड स्टाटस (टीपीएस) नवीरकण हुने हो–होइन भन्ने चिन्ता बढ्दै गएको छ । पछिल्लो पटक यो चिन्तालाई अमेरिकी सरकारको एल साल्भाडोरका नागरिकलाई दिंदै आएको टीपीएस सुविधा नवीकरण नगर्ने निर्णयले अझ बढाएको छ । 

सेभेन इलाभेनमा अध्यागमनको छापा

गैर कानुनी कामदार खोज्न अधिकारीहरु सक्रिय 

सेभेन इलाभेनमा अध्यागमनको छापा
डलास(टेक्सस) । प्रहरी सहीत अध्यागमन विभागका अधिकारीहरुले अमेरिकाका विभिन्न राज्यमा रहेका सेभेन इलाभेन स्टोरहरुमा छापा मारेको छ । कामगर्ने अनुमती नभएकाहरुको खोजी गर्ने अभियान अगाडि बढाएको अध्यागमन विभागले बुधवार मात्रै ९८ वटा स्टोरमा छापा मारेको थियो । सो क्रममा २१ जना काम गर्ने अनुमती विना काम गरिरहेको पाइएपछि उनीहरुलाई पक्राउ गरिएको अध्यागमन अधिकारीहरुले यहाका संचारमाध्यमहरुलाई जानकारी दिएका छन् । 

एनआरएनभित्र राजनीतिक लडाइँ शुरु, एमाले भर्सेस कांग्रेस

गैरआवासीय नेपाली संघ (एनआरएन)मा नयाँ नेतृत्व आएपछि शुरु भएको विवादले राजनीतिक रुप पाउन थालेको छ । अनररी काउन्सिलको गठनसँगै एनआरएनको विवादले राजनीतिक रुप पाएको छ । महासचिव डा. बद्री केसीले एनआरएनलाई नेकपा एमालेका कार्यकर्ता भर्तीकेन्द्र बनाएको एनआरएन आईसीसीमा प्रतिनिधित्व गर्ने गैरआवासीय नेपाली संघका नेताहरुले बताएका छन् ।

अन्यौलमै ‘एनआरएनए अमेरिका’को सय दिन

न्युयोर्क ।
गैर आवासीय नेपाली संघ राष्ट्रिय समन्वय परिषद् अमेरिका (एनआरएनए) मा नया नेतृत्वले काम सुरु गरेको सय दिन पुगेको छ । चुनाव सकिएर नया नेतृत्वले कार्यभार सम्हालेको यो सय दिन भने अन्यौलमै बितेको देखिन्छ । केही कामको सुरुवात भएपनि बाटो पहिलाउनमै बढी समय खर्च भएको छ । कामको थालनी गरिएपनि त्यसले मुर्त रुपम लिन भनेको सकेको छैन । यो  दौरानमा १÷२ वटा अन्तरक्रिया त भए तर, ब्यवहारिक रुपमा खासै काम हुन सकेन । 
गत सेप्टेम्बर १६ तारिकमा एनआरएनएको निर्वाचन सम्पन्न भएको थियो । आगामी डिसेम्बरको २७ मा नया“ कार्यसमितिले सपथ ग्रहण गरेर काम सुरु गरेको एक सय दिन पुग्नेछ ।   

सदस्यता विवादले फिप्नाको महाधिवेशन स्थगित

न्युयोर्क ।   
नेपाल आदिवासी जनजाति महासंघ अमेरिका (फिप्ना) को दुई संस्था विचको विवादले निर्वाचन रोकिएको छ । गत आइतबार छैटौं महाधिवेशनको मिति तय भएकोमा सदस्यता विवादले निर्वाचन रोकिएको हो । फिप्ना अमेरिकामा बसोबास गरिरहेका नेपाली आदिवासी जनजातीहरुको संस्था हो ।   
युनाइटेड किरात राई अग्रनाइजेसन अफ अमेरिका(युक्रा) लाई नविकरण गरिदिएको र ढोक्प्या किदुकलाई सदस्यता समेत नदिएको विषयमा विवाद भएपछि महाधिवेशनको वातावरण खलबलिएको हो । 
ढोक्प्याका प्रतिनिधिहरुले फिप्नाले आफ्नो संस्थालाई सदस्यता नदिएको भन्दै कार्यक्रम हलमै हो–हल्ला गरेपछि छ महिना भित्र निर्वाचन गरिने जनाउ“दै सम्पूर्ण कार्यक्रम रोकिएको छ । 

नेपाली भाषा स्थापित गर्ने अभियान

क्यालिफोर्निया । नेपालीहरुको उल्लेख्य बसोवास रहेको क्यालिफोर्निया राज्यमा सवारी चालक अनुमती पत्र लिन दिनुपर्ने लिखित परिक्षा नेपाली भाषामा दिने व्यवस्था मार्फत नेपाली भाषालाई अमेरिकामा स्थापित गराउन अभियान क्यालिफोर्नियामा  सुरु गरिएको छ ।  
लायन्स इन्टरनेशनल डिष्ट्रिक्ट ४ सि ३ का गर्भनर रहेका राजेन थापाको सक्रियतामा क्यालिफोर्नियामा रहेको लायन्स डिष्ट्रिक्टका गर्भनरहरुको समर्थनमा अभियान अगाडि बढाइएको हो । डिष्ट्र्क्टि ४ सि ६ का गर्भनर रोवर्ट(बब) स्टुआर्टले काउन्सील अफ गर्भनरसको वैठकमा नेपाली भाषामा सवारी चालक अनुमती पत्रको परिक्षा दिन पाउने तथा सम्वन्धित पाठ्यसामाग्री समेत नेपाली भाषामा समेत प्रकाशन गर्नका लागि पहल थाल्ने गरी गरेको प्रस्तावमा १५ वटै गर्भनरहरुले समर्थन जनाएका थिए । यो अभियानमा नेपाली संघसंस्थाहरु समेत सक्रिय भएर लागेका छन् । 

नेपाली समाज टेक्ससमा थापा

टेक्सस । 
नेपाली समाज टेक्ससमा सुमन थापा अध्यक्षमा चुनिएका छन् । मतदान हुनु दुई दिन अघि अध्यक्षका प्रत्याशी कमल सापकोटासहीत उनका समुहबाट विभिन्न पदमा उम्मेद्वार भएकाहरुले उम्मेद्वारी फिर्ता लिएपछि थापा अध्यक्ष चुनिएका हुन् । यो सगैं शनिवार हुने भनिएको मतदान नहुने भएको छ । पुर्व प्रकाशित चुनावी कार्यतालिका अनुसार उम्मेद्वारी फिर्ता समय सकिएपछि विहिवार लिखित रुपमा  अध्यक्षका प्रत्याशी सापकोटासहीत उनको समुहवाट उम्मेद्वार भएकाहरुले निर्वाचन समिति समक्ष लिखित रुपमा उम्मेद्वारी फिर्ता लिएको पत्र पठाएका थिए । 

नेतृत्वमा तीनको उम्मेद्वारी, सर्वसम्मतीको कसरत जारी

टेक्सस । 
नेपाली समाज टेक्ससको नया नेतृत्वका लागि ३ जनाको उम्मेद्वारी परेको छ । कमल सापकोटा, सुमन थापा र दिवस थापाको अध्यक्षमा उम्मेद्वारी परेको हो । दावी विरोध र उम्मेद्वारी फिर्ताको समय सकिए पश्चात मात्रै उम्मेद्वार नामावली सार्वजनिक गर्ने भन्दै निर्वाचन समितिले आधिकारिक उम्मेद्वारी नामावली सार्वजनिक नगरेको भएपनि अधिकांश पदाधिकारीसहीतका पदमा दुई वा दुई भन्दा बढीको उम्मेद्वारी परेको बताइएको छ । 

एनआरएनए टोली र अमेरिकी अधिकारीहरु बीच भेट,टिपिएस नविकरणका लागि अनुरोध

             विश्वन्युज सम्वाददाता
टेक्सस । अमेरिकामा रहेका नेपालीलाई अमेरिका सरकारले दिएको टेम्पोररी प्रोटेक्टेट स्टाटस (टिपिएस) पुनः नविकरणका लागि अनुरोध सहीत गैर आवासीय नेपाली संघ राष्ट्रिय समन्वय परिषद् अमेरिकाले अमेरिका सरकारका विभिन्न निकायका अधिकारीहरुसग छलफल गरेको छ । 

विहिवार संघको एक प्रतिनिधि मण्डलले अमेरिका सरकारको स्टेट डिपार्टमेण्ट, डिपार्टमेण्ट अफ होमल्याण्ड सेक्युरिटी, नेपाल मामिलासग सरोकार राख्ने अमेरिकी सांसदहरुको समुह कौकसका सांसद तथा अधिकारीहरुसग भेट गरी टिपिएस थप गर्नुपर्ने आवश्यकतासहीत अनुरोध गरेको थियो । 

कांग्रेसम्यानहरु जेरड पोलिस, नेपाल ककसका सदस्यद्धय स्याम ग्रेभ्स र सुजन डेल्बेने तथा न्युयोर्कका कंग्रेसम्यान ग्रेस मेङ्ग, डिपार्टमेण्ट अफ स्टेटको  नेपाल डेस्कका प्रतिनिधी एलेक्स लेफिक्टे,  डिपार्टमेन्ट अफ होमल्याड सेक्युरीटी अन्र्तगत रहेको एसिया प्यासिफिक अफेयर्सका अधिकारीहरुसग एनआरएनए टोलीले भेट गरेको थियो ।