वासिंटन । अमेरिकी राष्ट्रपति डोनाल्ड ट्रम्पले कोरोना भाइरस चिनियाँ प्रयोगशालाबाटै फैलिएको दावि गरेका छन् ।

कोरोना भाइरस चीनको भाइरोलोजी प्रयोगशालाबाट फैलिएको र यसका लागि आधारहरु समेत रहेको उनले बताए ।

यद्दपी उनले त्यसको आधार सार्वजनिक गर्न भने नमिल्ने उल्लेख गरेका छन् । कोरोना भाइरस वुहानको प्रयोगशालाबाट फैलिएको पुष्टी हुने आधार रहेको तर, त्यसलाई सार्वजनिक भने गर्न नमिल्ने राष्ट्रपति ट्रम्पको दावि छ ।

नियमित प्रेस भेटघाटका क्रममा उनले यस्तो दाव गरेका हुन् । त्यसअघि उनले बुधबार समाचार एजेन्सीलाई दिएको अन्तरवार्तामा समेत यसको दावि गरेका थिए ।

तर, ट्रम्पको दाविलाई चीन सरकार मातहतको वुहान इन्सिटियूट अफ भाइरोलोजीले भने निराधार बताउँदै आएको छ ।

विज्ञहरूले भने यो भाइरस ल्याबबाट नभएर मासु बजारबाट जनावर हुँदै मानिसमा सरेको बताइसकेका छन ।

केही समय यता भाइरसका कारण चीन र अमेरिकाको सम्बन्ध चिसिएको छ ।

चीनसँग निजक भएको भन्दै ट्रम्पले विश्व स्वास्थ्य संगठनको समेत सहयोग रोक्का गरिदिएका छन् । तर, कोरोनाबाट सबैभन्दा प्रभावित अमेरिका नै बनेको छ ।