मस्को । रुसमा कोरोना भाइरसबाट एकै दिन १० हजारभन्दा बढी मानिसमा कोरोना फेला परेको छ ।

रुसमा पछिल्लो २४ घण्टामा १० हजार ६ सय ३३ जना नयाँ संक्रमित फेला परेको रुसको स्वास्थ्य मन्त्रालयले जनाएको छ ।

यद्दपी उनीहरुमध्ये धेरैमा कोरोना संक्रमणको लक्षण नै देखिएको थिएन । अब रुसमा कोरोना भाइरसबाट संक्रमित बिरामीको संख्या १ लाख ३४ हजार ६ सय ८७ पुगेको तथ्यांक रहेको छ ।

पछिल्लो २४ घण्टामा कोरोनाबाट ५८ जनाको मृत्यु भएको तथ्यांक आएको छ ।

रुसमा अहिलेसम्म कोरोना भाइरसबाट एक हजार दुई सय ८० जनाको ज्यान गएको छ । विश्व स्वास्थ्य संगठनले समेत अब रुसलाई सचेत हुन आह्वान गरेको छ ।

एकै पटक १० हजार मानिसमा संक्रमण पुष्टी हुनुलाई खतराको घण्टीका रुपमा ब्याख्या गरिएको छ ।

रुसमा बितेको साता बढी संक्रमण फैलिएपछि त्यसले अधिकारीहरुलाई चिन्तित बनाएको छ । रुसमा राजधानी सहर मस्को कोरोनाबाट बढी प्रभावित बनेको छ ।