मस्को । कोरोना भाइरसको चपेटामा आइरहेको रुसमा रहेक दिन १० हजार माथिको संक्रमण पुष्टी भइरहेको छ ।

यो क्रम पछिल्लो ६ दिन देखि जारी रहेको छ । रसियामा पछिल्लो २४ घण्टामा मात्र १० हजार बढी कोरोना भाइरसका संक्रमित पुष्टी भएका छन् ।

शुक्रबार साँझ सम्मको तथ्यांक अनुसार २४ घण्टा भित्र १० हजार ६ सय ९९ जना बिरामी थपिएका हुन् ।

यसरी १० हजार माथि बिरामी थपिएको शुक्रबार छैटौं दिन हो । बिहीबार एकै दिन ११ हजार २ सय ३१ जनामा कोरोना भाइरस पुष्टी भएको थियो ।

रुसमा अहिलेसम्म १ लाख ८७ हजार ८ सय ५९ जनामा कोरोना भाइरस पुष्टी भएको छ । शुक्रबारसम्म रुसमा १ हजार ७ सय २३ जनाको ज्यान गइसकेको छ ।

२६ हजार ६ सय ८ जनाले भने कोरोनालाई जित्न सफल भएका छन् ।

अहिले यूरोपमा अन्य मुलुकमा भने कोरोना धेरैहद सम्म नियन्त्रणमा आइसकेको छ । तर, रुस, अमेरिका र भारतमा यसको तिब्र फैलावट जारी रहेको छ ।