स्वास्थ्य

राष्ट्रपति ट्रम्प कति स्वस्थ; यस्तो आयो रिपोर्ट

एजेन्सी

अमेरिकी राष्ट्रपति डोनाल्ड ट्रम्पको वार्षिक स्वास्थ रिपोर्ट ह्वाइट हाउसले बुधबार सार्वजनिक गरेको छ । ह्वाईट हाऊसका अनुसार ६ फिट ३ इन्च उचाईका ७३ बर्षीय ट्रम्पको तौल २४४ पाउण्ड छ । उनको रक्तचाप १२१/७९ एमएमएचजि छ भने मुटुको चाल ६३ बिट्स प्रति मिनेट देखिएको छ । राष्ट्रपति ट्रम्पले कोरोना रोकथाममा मद्दत गर्ने भन्दै बिवादास्पद औषधि हाईड्रोक्सक्लोरोकुईन खाएको दाबी गरेपछि उनको यो रिपोर्ट सार्वजनिक भएको हो ।  ह्वाईट हाऊस प्रेस सेक्रेटरी केलिग मेनिनीले ट्रम्प पूर्ण स्वस्थ रहेको बुधबारको प्रेस ब्रिफिङमा संकेत गरेकी थिईन ।  

ट्रम्पको निजी चिकित्सक डा. सियान कोनलीले उनको स्वास्थ रिपोर्टमा अगाडिको भन्दा कुनै पनि त्यस्तो उल्लेख गर्न लायक परिवर्तन नभएको रिपोर्टमा जनाएका छन् ।  सन् २०१८ मा ट्रम्पको क्लोस्ट्रोल २२३ थियो भने २०१९ मा १९६ थियो । बुधबार सार्बजनिक गरिएको रिपोर्टमा भने उनको क्लोरोस्ट्रोलमा उल्लेख्य सुधार आएर १६७ मा झरेको छ भने एलडिएल १०० भन्दा तल छ । ट्रम्पले यस अगाडि उच्च क्लोरोस्ट्रोल भए पछि मध्यम किसिमको हृदयघातको खतरा हुने चिकित्सक सल्लाह बमोजिम क्लोरोस्ट्रोल घटाऊने औषधी खाएको मायो क्लिनिकले जनाएको छ । ट्रम्पले यस अगाडि २०१९ को नोभेम्बरमा नियमित जाँच गरेका थिए ।