पोखरा । गण्डकी प्रदेशमा बिहीबार बिहान १६ थप कोरोना भाइरस संक्रमित भेटिएका छन् । बिहीबार बागलुङमा १०, पर्वतमा ४, स्याङ्जा र म्याग्दीमा एक–एक जनामा कोरोना संक्रमण भेटिएका गण्डकी प्रदेशको स्वास्थ्य निर्देशनालयको विज्ञप्तीमा उल्लेख छ । बागलुङको निसीखोला गाउँपालिकाका वर्ष २२ र २९ का २ जना पुरुष तथा वर्ष ३३ की १ जना महिलामा कोरोना देखिएको हो ।

बाग्लुङको बडीगाड गाउँपालिकाका वर्ष १६, २०, २१ र २५ का ४ जना पुरुष र बाग्लुङकै गल्कोट नगरपालिकाका २०, २२ र २३ का ३ जना पुरुषमा कोरोना देखिएको छ । पर्वतको फलेबास नगरपालिकाका वर्ष २१ का २ जना पुरुष र पर्वतकै बिहादी गाउँपालिकाका २४ र २८ वर्षका २ जना पुरुषमा कोरोना पुष्टि भएको छ ।

स्याङ्जाको कालीगण्डकी गाउँपालिकाका वर्ष १८ का १ जना पुरुष र म्याग्दीको मंगला गाउँपालिकाका वर्ष १९ का १ जना पुरुषमा पनि कोरोना संक्रमण पुष्टि भएको छ । अब गण्डकी प्रदेशमा कोरोना संक्रमितको संख्या ५४ पुगेको छ । देशभर भने २४ सय भन्दा बढीमा कोरोना देखिइसकेको छ । यसमध्ये ९ जनाको निधन भएको छ । २ सय ५० भन्दा बढीले कोरोनालाई जित्न सफल भएका छन् ।