काठमाडौं । त्रिभुवन अन्तर्राष्ट्रिय विमानस्थलमा मास्क नलगाई जान नपाइने भएको छ । कोरोना भाइरसको बढ्दो महामारीका बीच विमानस्थल सुरक्षा कार्यालयले नो माक्स, नो इन्ट्री नियम ल्याएको हो । कार्यालयले विमानस्थलमा अतिआवश्यक नपरेसम्म यात्रु बाहेक अन्य व्यक्ति नआउन र आए पनि गेटबाटै फर्कन आग्रह गरिएको छ ।

यात्रुलाई पिसिआर रिर्पोट अनिवार्य बोक्न भनिएको छ । भिडभाड नगर्न र सामाजिक दूरी कायम गर्न समेत कार्यालयले आह्वान गरेको छ । अहिले नेपाल आउन र यहाँबाट बाहिरिन जहाज चढ्नु अगाडी पिसिआर रिर्पोट अनिवार्य गरिएको छ । नेपालमा कोरोना भाइरसको दोस्रो लहर फैलन थालेसँगै सरकारले क्रमशः विभिन्न क्षेत्रहरुमा कडाई गर्दै लगेको छ ।