काठमाडौं । आज काठमाडौं उपत्यकासहित देशको तीन वटा प्रदेशका अधिकांश स्थानमा वर्षा हुने भएको छ । बिहीबार बिहानैबाट पानी पर्न थालेको छ । जल तथा मौसम विज्ञान विभाग, मौसम पूर्वानुमान महाशाखाका अनुसार स्थानीय र पश्चिमी वायुको प्रभावले गण्डकी, बागमती र प्रदेश २ मा पानी परेको हो । काठमाडौं उपत्यकामा बिहान परेको पानी दिउँसो केही घण्टा रोकिने छ ।

विहान पौने छ बजेसम्मको अपडेट अनुसार काठमाडौंमा १.८ मिलिमिटर पानी परेको छ । आज दिनभर देशैभर बादल लाग्ने र पानी पर्ने क्रम चल्ने सम्भावना रहेको विभागको भनाई छ । पश्चिम क्षेत्रमा भने भोलि पनि मौसम बदलीसँगै वर्षाको पनि सम्भावना छ । अहिले प्रिमनसुन अवधि भएकाले केही स्थानमा हावाहुरी र चट्याङ् समेत पर्ने सम्भावना रहेको छ ।