जनकपुर । नेपालको एक मात्र रेल्वेलाइन जनकपुर–जयनगर रेल्वे ट्रयाकको गति परीक्षण र सर्टिफिकेशन सम्पन्न भएको छ । भारतको जयनगरबाट भारतीय रेल्वेको रेल जनकपुरधामस्थित कुर्थाको मुख्य स्टेशनसम्म ल्याइएको छ । त्यहाँ स्पिड परीक्षण र सर्टिफिकेशन गरेसँगै रेल भारत नै फर्काइएको छ । सो क्रममा जनकपुरधामस्थित कुर्था रेल्वे स्टेशनमा पूजा समेत गरियो ।

भारतीय डव्लु डि एम थ्रीडी नामको इञ्जिन तथा दुई मालवाहक डब्बासहित ट्रेन जनकपुर आएको थियो । ट्रेन नेपाल आउँदा ६० किमि प्रतिघण्टाको गतिमा ल्याइएको थियो । फर्कदा भने १२० किमि प्रतिघण्टामा फर्काइएको छ । भारतीय रेल्वेका ड्राइभरले नै रेल नेपाल ल्याएका हुन् । अधिकारीहरुका अनुसार परीक्षण सफल भएको छ । अब बाँकि तयारी पुरा भएपछि रेल संचालनमा आउने छ ।