विश्व

आफ्ना नागरिकको उद्धार गर्न अमेरिकाले ३ हजार सैनिक अफगानिस्तान पठाउँदै

Photo : REUTERS/Mohamad Torokman

काठमाडौं । अमेरिकामा तालिवान र सरकारी फौजबीचको भिषण युद्धका कारण असुरक्षित बन्दै गएपछि अमेरिकाले त्यहाँबाट आफ्ना नागरिकको उद्धार गर्ने भएका छ । सो प्रयोजनका लागि उसले करीव ३ हजार सैनिक अफगानिस्तान पठाउने भएको छ । अमेरिकाले काबुलस्थित आफ्नो दूतावासबाट कर्मचारीहरूलाई सुरक्षित रूपमा फिर्ता गर्नका लागि करिब तीन हजार सैनिकहरूलाई काबुल पठाउने भएको हो ।

दुई दिनभित्र ती सैनिकहरू काबुलको अन्तर्राष्ट्रिय विमानस्थलमा तैनाथ हुने बीबीसीले उल्लेख गरेको छ । अमेरिकी विदेश मन्त्रालयले जनाए अनुसार सुरक्षाका कारण काबुलमा मुख्य कूटनीतिक उपस्थिति मात्र हुनेछ । त्यहाँका कर्मचारीको सङ्ख्या समेत घटाइनेछ। तर दूतावास भने बन्द हुने छैन । उता, बेलायतले समेत दूतावासका कर्मचारी र नागरिकलाई सुरक्षित रूपमा बाहिर निकाल्न ६ सय सैनिकहरूलाई काबुल पठाउने भएको छ ।