काठमाडौं । पछिल्लो २४ घण्टामा देशभर १९२० जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार ९,४४३ पीसीआर परीक्षणमा १,७०२ र ३,०७३ एन्टिजेन परीक्षणमा २१८ गरी १,९२० जनामा कोरोना भाइरस संक्रमण पुष्टि भएको हो ।

योसँगै नेपालमा कोरोना संक्रमितको संख्या ७ लाख ४७ हजार ४३३ पुगेको छ ।

पछिल्लो २४ घण्टामा २,२४८ जना संक्रमण मुक्त भएका छन् । यो सहित संक्रमण मुक्त हुनेको संख्या ६ लाख ९८ हजार १७३ जना पुगेको छ । संक्रिय संक्रमितको संख्या ३८ हजार ७५१ रहेको छ ।

पछिल्लो २४ घण्टामा २४ जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या १० हजार ५०९ पुगेको छ ।