फिचर

अफगानिस्तानबाट फर्किए कुल ७७० नेपाली

काठमाडौं । अफगानिस्तानबाट अहिलेसम्म कुल ७७० जना नेपाली घर फर्किएका छन् । सो मुलुकलाई विद्रोहीले कब्जा गरेसँगै साविकको सत्ताले देश छाडेर भागेको छ । सोहीकारण त्यहाँ असुरक्षित बनेको छ । नेपालले विभिन्न मुलुकको सहयोगमा मंगलबार बेलुकीसम्म ७७० नेपालीलाई अफगानिस्तानबाट उद्धार गरेर काठमाडौं ल्याएको परराष्ट्र मन्त्रालयको तथ्यांकमा उल्लेख छ । मंगलबार जोर्डन एभिएसनको उडानबाट १०३ जना तथा कतार एयरबाट ९ जना समेत गरि ११२ स्वदेश फर्किए ।

मन्त्रालयले अफगानिस्तानबाट उद्धार भई दोहा, दुबई, लन्डन र नयाँ दिल्लीमा रहेका नेपालीलाई काठमाडौं ल्याउन निरन्तर समन्वय र सहजीकरण गरिरहेको उल्लेख गरेको छ । मन्त्रालयका अनुसार काबुलमा नागरिक उड्‌डयन सेवाको जहाजको आगमन अवतरण हालसम्म खुला भइसकेको छैन । सोहीकारण नेपालले आफ्नै विमान पठाएर त्यहाँ रहेका नेपालीको उद्धार गर्न सक्दैन । अब अफगानिस्तानमा कति नेपाली छन् भन्ने तथ्यांक भने यकिन भइसकेको छैन ।