समाचार

समाजवादी पार्टी संसदमा बन्यो चौथो ठूलो दल

काठमाडौं । माधव कुमार नेतृत्वको दल संसदमा चौथो ठूलो पार्टी बनेको छ । नेकपा (एकीकृत समाजवादी) पार्टी बुधबार निर्वाचन आयोगबाट मान्यता पाएको छ । अब सांसद संख्याका आधारमा यो पार्टी संघीय संसदको चौथो ठूलो दल बनेको छ । केन्द्रीय कमिटी वा संसदीय दलमध्ये एकमा २० प्रतिशत भए मात्रै पनि दल विभाजन गर्न मिल्ने गरी सरकारले ल्याएको राजनीतिक दलसम्बन्धी अध्यादेशमार्फत् नयाँ दुई दल दर्ता भएका छन् ।

माधवकुमार नेपाल अध्यक्ष रहने गरी नेकपा (एकीकृत समाजवादी) र महन्थ ठाकुर अध्यक्ष रहने गरी दर्ता भएको लोकतान्त्रिक समाजवादी पार्टीलाई बुधबार निर्वाचन आयोगले दल दर्ता प्रमाण पत्र दिएको हो । नेकपा एकीकृत समाजवादी मा संघीय संसदमा २९ जना सांसद छन्। प्रतिनिधि सभाका २२ र राष्ट्रिय सभाका ७ जनाले बुधबार आयोगमै उपस्थित भएर सनाखत गरे । सांसद संख्या अझै बढ्दैछ ।