काठमाडौं। पछिल्लो २४ घण्टामा देशभर १६६४ जनामा कोरोना संक्रमण पुष्टी भएको छ ।

स्वास्थ्य तथा जनसंख्या मन्त्रालयका अनुसार स्वास्थ्य तथा जनसंख्या मन्त्रालयका अनुसार ९ हजार ११७ जनाको पीसीआर परीक्षणमा १५२३ र ३१०५ एन्टिजेन परीक्षणमा १४१ जना गरी १६६४ जनामा संक्रमण पुष्टी भएको हो ।

योसँगै नेपालमा कोरोना संक्रमितको संख्या ७ लाख ६२ हजार ६४७ जना पुगेको छ ।

पछिल्लो २४ घण्टामा १७८६ जना संक्रमण मुक्त भएका छन् । यो सहित संक्रमण मुक्त हुनेको संख्या ७ लाख १६ हजार ३०६ जना पुगेको छ । संक्रिय संक्रमितको संख्या ३५ हजार ५९१ रहेको छ ।

पछिल्लो २४ घण्टामा २० जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या १० हजार ७५० पुगेको छ ।