फिचर

निजगढ विमानस्थलबारे हतारमा बोले योगेश, उपलब्धी शून्य

काठमाडौं । संस्कृति, पर्यटन तथा नागरिक उड्डयन मन्त्री योगेश भट्टराईले आफ्नो कार्यभार सम्हालेपछिको एक साता निकै जोडबलका साथ उठाएको इस्यू थियो, निजगढ एयरपोर्ट ।

नेपालमा दोस्रो अन्तरािष्ट्रय विमानस्थलका रुपमा चिनिने यस आयोजनाले नेपालको अर्थतन्त्रका कायालपट गर्ने अपेक्षा गरिएको छ । तर, आयोजनोकापूर्व तयारीको काम जस्ताको तस्तै छ । तर, योगेशले फ्याट्टै बोलिदिए, मंसिरसम्म यस आयोजनाको शिलान्यास हुन्छ ।

शिलान्यास गर्नु आफैमा त ठूलो कुरा थिएन । किनकी मन्त्री गएर दुईटा इटा राखे शिलान्यास भइहाल्यो । तर, त्यसपछि आयोजनाले गति लिन्छ ? काम अगाडी बढ्छ ? यसको जवाफ स्वयम मन्त्री भट्टराईसँग पनि छैन ।

किनकी उनी यस आयोजनाको प्रारम्भिक काम सकाउन नै असफल देखिएका छन् । आयोजनाको रुख कटान आदेश बन मन्त्रालय गएर अड्किएको छ ।

वातावरणवादीहरुले रुख काट्नै नदिने अभियान थालेका छन् । उनीहरुलाई विकास भन्दा रुख प्यारो लागेको छ । आयोजनामा अझै लगानी जुटेको छैन । निर्माणको मोडालिटीमा अलमल जारी छ

। करीव ७ खर्ब हाराहारी लागत लाग्ने यो आयोजनामा ५ वर्ष भित्र प्लेन उड्छ भनेर मन्त्री भट्टराईले आइतबार दिएको अभिव्यक्ति सुन्दा जति सुन्दर लाग्छ, यसको पछाडीको पूर्वतयारी हेर्दा चिया गफजस्तौ आभास हुन्छ ।

यो आयोजनाको वातावराीय प्रभाव मूल्यांकन प्रतिवेदन विवादित बनेको छ । यो सर्वोच्च अदालतमा मुद्दा समेत परेको विषय हो ।

विस्तृत आयोजना प्रतिवेदन (डीपीआर) बनेकै छैन । वस्ती व्यवस्थापनका धेरै विषय अझै बाँकि छन् । यस्तो अवस्थामा योगेश फसिए धेरै बोलेर…..।