समाचार

पोखरामा गयो भूकम्प, आसपासमा धक्का महशुस

पोखरा । आइतबार कास्कीको लुम्लेलाई केन्द्रविन्दु बनाएर भूकम्प गएको छ । आइतबार राती करीव साढे ९ बजे भूकम्पको धक्का महशुस गरिएको हो । कास्कीको पुरै भूभाग, म्याग्दी र स्यांगजासम्म भूकम्पको धक्का महशुस गरिएको छ ।

भूकम्प राष्ट्रिय मापन केन्द्रका अनुसार कास्कीको लुम्ले केन्द्रबिन्दु भएर ५.० रेक्टर स्केलको भूकम्प गएको हो।

स्थानीयहरु भूकम्पपछि घरबाहिर निस्कएका थिए । २०७२ पछि यति ठूलो धक्का महशुस भएको प्रतिक्रिया स्थानीयले दिएका छन् । भूकम्पबाट भएको क्षतिको विवरण भने आएको छैन ।