काठमाडौं । फ्रान्सबाट कतार हुँदै काठमाडौं आएकी युवती कतार एयरवेज चढेर नेपाल आएको खुलेको छ । नेपाल पर्यटन बोर्डले यसको पुष्टी गरेको हो । कतार एयरवेजबाट चैत ४ (१७ मार्च)मा कूल ४६४ यात्रु नेपाल आएका थिए ।

कतार एयरवेजले त्यस दिन तीन उडान गरेको थियो । त्यसमध्ये एक उडानमा उनी थिइन् । यद्दपी सरकारी निकायले भने उडान नम्बर सार्वजनिक गरेका छैनन् ।

उनी आएको जहाजका यात्रुलाई स्वतःरुपमा अस्पताल पुगेर जचाउन आग्रह गरिएको छ । लक्षण देखिएमा तत्काल अस्पताल जान समेत आह्वान गरिएको छ ।

नेपालमा यसअघि एक जनामा मात्र कोरोना पुष्टी भएको थियो । उनी भने निको भएर घर फर्किएका छन् ।