स्वास्थ्य

कोरोनाबाट १० लाख माथि संक्रमण, ५३ हजारको ज्यान गयो

काठमाडौं । कोरोना भाइरसको संक्रमणले १० लाख माथिको आंकडा पार गरेको छ । विश्व स्वास्थ्य संगठनले प्रक्षेपण गरेको केही घण्टा भित्रै संक्रमितको संख्यामा भारी वृद्धि भएको हो ।

बिहीबार साँझसम्मको तथ्यांक अनुसार कोभिड–१९बाट संक्रमितको संख्या विश्वभर १० लाखको नेटो काटेको हो । यस रोगबाट अहिलेसम्म ५२ हजार ९ सय ८३ जनाको मृत्यु भइसकेको छ ।

संगठनले यस रोगबाट मर्नेको संख्या ३ हजार नाघेपछि विश्वव्यापी महामारी घोषणा गरेको थियो । त्यसबेला यो रोगबाट चीन मात्र लडिरहेको थियो ।

अहिले भने पुरै संसार यो रोगको संक्रमणविरुद्ध लड्नु परेको छ । यस भारइबाट अमेरिकामा सबैभन्दा धेरै २ लाख ४३ हजार ४ सय ५३ जना संक्रमित भएका छन् ।

इटालीमा १ लाख १५ हजार २ सय ४२ र स्पेनमा १ लाख १२ हजार ६५ जना संक्रमित रहेको आंकडा छ ।

जर्मनीमा संक्रमितको संख्या ८४ हजार ७ सय ९४ रहेको छ । मृतक भने इटलीमा धेरै छन् । इटलीमा कोरोना भाइरसल अहिलेसम्म १३ हजार ९ सय १५ जनाको ज्यान गइसकेको छ ।

स्पेनमा १० हजार ३ सय ४८ र फ्रान्समा ५ हजार ३ सय ८७ जनाको मृत्यु भएको छ । पछिल्ला दिनमा बेलायत र फ्रान्समा मृत्युदर बढी रहेको छ ।

इटलीमा नयाँ संक्रमण हुन दर घटिरहेको छ ।