न्युयोर्क

न्युयोर्क क्वीन्सस्थित लामो समयदेखि रिजउड नेपाली समाजद्वारा रिजऊडमा संचालित दुर्गा मन्दिर रिजऊडबाट ओजन पार्क सरेको छ । संस्थाका महासचिव दिपक काफ्ले मार्फत प्राप्त ईमेलमा जनाइए अनुसार रिजऊडको दुर्गा मन्दिरलाई अस्थाई रुपमा ओजन पार्कमा स्थानान्तरण गरिएको हो ।  

कोरोना महामारीका कारण न्युयोर्कमा जारी सरकारी प्रतिबन्धका कारण मन्दिरमा भिड भाड गर्दै दैनिक कृयाकलाप गर्न नमिले पछि कोठा भाडा लगायतका अनुत्पादक खर्च रोक्नका लागि मन्दिर ओजन पार्कमा सारिएको मन्दिरद्वारा प्राप्त ईमेलमा जनाईएको छ । साथै भक्तजनहरुमा पर्न गएको असुबिधालाई मध्यनजर राखेर क्षमा मागिएको प्राप्त ईमेलमा भनिएको छ; “रिजउड क्षेत्रमा आफ्नै भवन निर्माण गरि सकेसम्म चाडो मन्दिर र कार्यालय साविक क्षेत्रमा ल्याउने हाम्रो प्रयत्न रहने कुरा जानकारी गराउन चाहन्छौं I भक्तजनहरुमा पर्न गएको असुविधा प्रति हामी क्षमा चाहन्छौं “I रिजऊड नेपाली सोसाईटी सन् २००३ मा क्वीन्सस्थित रिजऊडमा स्थापित संस्था हो ।  

रिजऊडको दुर्गा मन्दिरको नयाँ ठेगाना 104-24 Rosita Rd, Ozone पार्क हो ।