रोचक खवर

आज बस्दैछ नेकपा सचिवालय बैठक, बामदेव प्रधानमन्त्री बन्ने निर्णय होला ?

काठमाडौं । बुधबार बसेको नेकपा सचिवालय बैठकमा प्रधानमन्त्री केपी शर्मा ओलीले एक राजनीतिक कार्ड फ्ँयाकेका छन् ।

जसमा बामदेव गौतमलाई प्रधानमन्त्री बनाउने र माधव नेपाललाई तेस्रो अध्यक्ष बनाउने उल्लेख छ । यो निर्णय पनि कोरोना भाइरसको सन्त्रास सकिएपछि कार्यान्वयनमा ल्याउने भन्ने उल्लेख छ ।

माधव नेपाललाई अध्यक्ष घोषणा गर्न त कुनै समस्या भएन् । यद्दपी अहिले पनि नेकपामा दुई अध्यक्ष छन् । तर, बामदेवलाई प्रधानमन्त्री बनाउने भन्दै धेरै पापड पेल्न बाँकी छ ।

यो अवस्थामा प्रधानमन्त्रीको कार्ड केवल आफ्नो सत्ता बचाउन मात्र हो या साच्चिकै उनी परिवर्तन चाहन्छन् भन्ने टुंगो भने आज लाग्नेछ ।

किनकी शनिबारका लागि नेकपाको सचिवालय बैठक आह्वान गरिएको छ । बैठक अगाडी शुक्रबार प्रधानमन्त्री केपी शर्मा ओली, अध्यक्ष प्रचण्ड र वरिष्ठ नेता माधव नेपाल निक सक्रिय बने ।

प्रधानमन्त्रीको नयाँ खेल पछि प्रचण्ड र माधव नेपालको समूह करीव एकै स्थानमा छ । यसको मतलव केपी ओली अहिले एक्लिएका छन् ।

उनी बामदेवलाई फकाउने प्रयत्नमा छन् । सचिवालय बैठक अगाडी शुक्रबार चिनियाँ राजदुत होउ यान्छीले यी तीनै जना नेतालाई भेटेकी छिन् ।

अर्थातः चीनले समेत केही न केही संकेत उनीहरुलाई दिइसकेको छ । ८ वैशाखमा दुई विवादित विधेयक ल्याएपछि प्रधानमन्त्रीसँग सहयोद्धा नेताहरु विच्किए ।

एकातर्फ विगतका सहमति पालना नगर्ने, अर्कोतर्फ संचारमाध्यम,  आलोचक र विपक्षीको मुख थुन्दै तानाशाह प्रवृत्ति देखाएको भन्दै प्रधानमन्त्रीको आलोचना पनि उत्तिकै भइरहेको छ ।

प्रधानमन्त्री ओलीले शुक्रबार अध्यक्ष प्रचण्ड र वरिष्ठ नेता नेता नेपालसँग बालुवाटारमा छलफल समेत गरिसकेका छन् ।

प्रचण्ड र नेपालबीच पनि शुक्रबार छुट्टै छलफल भइसकेको छ । यसअघि बुधबार बसेको सचिवालय बैठकले पार्टीभित्र देखिएको आन्तरिक विवादका विषयमा गृहकार्य गरी शनिबारका लागि बैठक बोलाउने निर्णय गरेको थियो।