मनोरञ्जन

नेपाली युवा दिवेश अमेरिकन आइडलको टप १० मा प्रवेश

काठमाडौं । नेपाली युवा दिवेश पोखरेलको अमेरिकन आइडलमा जादु चलिरहेको छ । उनी प्रख्यात गायन रियालिटी शो अमेरिकन आइडलको टप १० मा प्रवेश गरेको स्वयमः दिएका छन् ।

जोन डेनभरको ‘कन्ट्री रो’ गित धन्काएका उनी टप १० मा पुग्न सफल भएका हुन । यो उपलब्धी हाँसिल गर्ने उनी एक्ला र पहिलो नेपाली पनि हुन् ।

उनले अमेरिकन आइडलको प्रारम्भ देखि नै निर्णायकको मन जित्न सफल भएका छन् । अमेरिकन आइडलमा उनको निकनेम भने ‘अर्थर गन’ हो ।

टप १० मा छनोट हुनुमा आफ्ना समर्थकको हात रहेको भन्दै उनले धन्यवाद ज्ञापन पनि गरेका छन् ।

संसारभरबाट आफूलाई ठूलो माया र हौसला प्राप्त भएको उनको भनाई छ । सन् २०१४ मा उच्च शिक्षाका लागि अमेरिका पसेका उनले पछिल्लो दुई वर्षमै संगितमा धमाका देखाउन थालेका हुन् ।

उनी काठमाडौंका स्थायी निवासी हुने । उनले एस कलेज अफ इन्स्टिच्यूटबाट व्यवस्थापनमा प्लस टु उत्तीर्ण गरेर अमेरिका गएका हुन् ।