नयाँ दिल्ली । नेपालको छिमेकी मुलुक भारतमा कोरोनाले महामारीको रुप धारण गर्न थालेको छ ।

भारतीय स्वास्थ्य मन्त्रालयका अनुसार अहिले हरेक दिन दुई हजारभन्दा बढी मानिसमा कोरोना भाइरसको पुष्टी भइरहेको छ ।

भारतीय स्वास्थ्य मन्त्रालयले सोमबार साँझ सार्वजनिक गरेको तथ्यांक अनुसार पछिल्लो २४ घण्टामा दुई हजार पाँच सय ५३ संक्रमित भारतभरमा थपिए ।

यसअवधिमा ६७ जनाको निधन भएको छ । भारतमा अहिलेसम्म ४२ हजार ५ सय ३३ जनामा कोरोना संक्रमण देखिएको छ ।

यस मुलुकमा एक हजार तीन सय ७३ जनाले ज्यान गुमाएका छन् । भारतमा उपचारपछि ११ हजार सात सय सात जना घर फकिएका छन् ।

भारतले २५ माचैबाट लकडाउन शुरु गरेको थियो । अहिले यहाँ लकडाउन केही खुकुलो भएको छ ।