नयाँ दिल्ली । नेपालको छिमेकी मुलुक भारतमा कोरोनाले उग्र रुप देखाइरहेको छ ।

जहाँ एकै दिन मर्ने र संक्रमित हुनेको संख्या अहिलेसम्म कै उच्च विन्दुमा पुगेको छ । पछिल्लो २४ घण्टामा भारतमा कोरोना भाइरसबाट संक्रमित हुने र ज्यान गुमाउनेको संख्यामा रेकर्ड ब्रेक वृद्धि भएको छ ।

भारतीय स्वास्थ्य मन्त्रालयका अनुसार यस अवधिमा ३ हजार ९०० जना नयाँ संक्रमित थपिएका हुन् । २४ घण्टामा १ सय ९५ जनाको ज्यान गएको छ।

भारतमा कोरोना संक्रमण शुरु भएयता एकै दिन मर्ने यो सबैभन्दा ठूलो आंकडा हो । भारतमा लकडाउन खुकुलो पारिएको छ ।

त्यसपछि भएको यो मानवीय क्षतिले भारतीय अधिकारीहरुलाई झस्काइदिएको छ ।

यस मुलुकमा अहिलेसम्म ४६,४३३ जना कोरोना संक्रमित भेटिएका छन् । १ हजार ५ य ५८ जनाको ज्यान गइसकेको छ ।

भारत नेपालको खुला सिमाना भएको मुलुक हो । सोहीकारण भारतमा कोरोना बढ्दा त्यसको उच्च जोखिममा नेपाल रहने गर्छ ।