न्युयोर्क

विश्व स्वास्थ संगठनले हाल कोरोनो भाइरस बिरुद्ध १०८ वटा सम्भाबित भ्याक्सिनहरु रहेको जनाएको छ । सँगठनले आफ्नो वेब साईटमा प्रकाशित बिज्ञप्ती अनुसार ती १०८ सम्भाबित भ्याक्सिन मध्ये ८ वटा भ्याक्सिनहरुलाई क्लिनिकल ट्रायलको अनुमति दिईसकेको छ भने ती आठ भ्याक्सिन क्लिनल ट्रायलको क्रममा छन् । ति आठ मध्ये अमेरिकास्थित नेशनल ईन्स्टिचुट अफ हेल्थले गत मार्चमा १६ मा पहिलो परिक्षण मानवमा गरेको समेत संगठनले उल्लेख गरेको छ ।

युनिभर्सिटी अफ टोकियो, टुलाले युभर्सिटी युनिभर्सिटी अफ अल्बर्टा, युनिभर्सिटी अफ पिट्सबर्ग सहित सयवटा समुहले तयार गरेको अन्य भ्याक्सिनहरु क्लिनिकल परिक्षणको पूर्व तयारीमा रहेको समेत विश्व स्वास्थ सँगठनले जनाएको छ । जोन हप्किन्सका अनुसार हालसम्म संसारभर ३६ लाख मानिस कोरोना संक्रमित छन् भने २ लाख ५१ हजारको मृत्‍यु भै सकेको छ । अमेरिकामा भने सुरुमा ६५ हजारसम्म मानिसको मृत्‍यु हुने अनुमान राष्ट्रपति ट्रम्पले गरेका थिए तर गत आईतबार ट्रम्पले ८० देखि ९० हजारसम्म मानिसको मृत्‍यु हुने भन्दै मृतकको संख्या अकस्मात बृद्धी गरे । अमेरिकामा अहिले मृतकको संख्या ७० हजार नाघि सकेको छ ।