नेपाली चलचित्र क्षेत्रमा पछिल्लो पुस्ताकी नायिका श्रेया कार्की चर्चामा छन् । चलचित्र बागमतीबाट नेपाली चलचित्र क्षेत्रमा प्रवेश गरेकी कार्कीले आफूलाई नेपालकै स्थापित नायिका बनाउने उद्देश्य राखेकी छन् । काठमाडौंको बौद्धकी श्रेयाले चलचित्रमा भन्दापनि म्युजिक भिडियोमा आफूलाई स्थापित भएकी छन् । उनले झण्डै ४० म्युजिक भिडियोमा अभिनय गरिसकेकी छन् । मिस टिन २०१३ मा भाग लिएपछि उनले मोडलिङ र चलचित्र क्षेत्रलाई आफ्नो मार्गदर्शक क्षेत्रका रुपमा स्थापित गरिन । पहिलो पटक १० हजारमा अभिनय गरेकी उनले म्युजिक भिडियोबाट राम्रो आम्दानी गरिरहेको बताउँछिन् । पछिल्लो समय फिटनेसमा पनि ध्यान दिन थालेको उनको भनाई छ । आफू हट देखिनका लागि वान पिस लगाउने उनले जानकारी दिएकी छन् । उनले जसरी हुन्छ नाम र दाम कमाउने बताउने गरेकी छन् । तर अहिलेसम्म भने प्रेम सम्बन्धमा नपरेकी कार्कीले बुझक्की केटा खोजिरहेकी छन् । उनलाई अभिनेता प्रदीप खड्का निक्कै मन पर्छ ।