काठमाडौं । संसारभर कोरोना भाइरसका कारण मत्यु हुने व्यक्तिको संख्या २ लाख ५८ हजार नाघेको छ ।

बुधबार बिहानसम्मको तथ्यांक अनुसार कोरोना भाइरसको संक्रमणबाट विश्वभर ज्यान गुमाउनेको संख्या २ लाख ५८ हजारको नेटो कटेको छ ।

२ लाख ५८ हजार सात जनाको ज्यान गएको तथ्यांक सार्वजनिक भएको छ । कोरोनाले सबैभन्दा ठूलो मानवीय क्षति अमेरिकामा गरेको छ ।

यहाँ ७२ हजार २५० को ज्यान गएको छ । बेलायतमा २९ हजार ४२७, इटलीमा २९ हजार ३१५, स्पेनमा २५ हजार ६१३, फ्रान्समा २५ हजार ५३१ जनाले ज्यान गुमाएका छन्।

अमेरिकामा सबै भन्दा धेरै १२ लाख ३७ हजार २ सय ६९ जना संक्रमित रहेको तथ्यांक छ । स्पेनमा २ लाख ५० हजार पाँच सय ६१ जना संक्रमित पुगेका छन् ।

इटालीमा संक्रमितको संख्या २ लाख १३ हजार पुगेको छ । बेलायत र फ्रान्समा क्रमशः १ लाख ९४ हजार ९ सय ९० र १ लाख ७० हजार ५ सय ५१ संक्रमित रहेका छन्।

कोरोनाबाट मर्नेको संख्या अब इटलीमा भन्दा बेलायतमा माथि पुगेको छ ।

रुसमा पछिल्लो समय महामारी बनेको कोरोनाले १ लाख ५५ हजार ३ सय ७० जनामा संक्रमण देखाइसकेको छ । रुसमा १ हजार ४ सय १५ कोे ज्यान गएको छ। जर्मनीमा ६ हजार ९ सय ९३ जनाले ज्यान गुमाएका छन् ।

यहाँ १ लाख ६७ हजार संक्रमित रहेको तथ्यांक छ । भारतमा १६ सय ९३ जनाले ज्यान गुमाईसकेका छन् । यहाँ ४९ हजार ४ सयमा सक्रमण भएको छ ।

विश्वभर २१५ देशमा संक्रमण फैलिएको छ । कारोनाबाट ३७ लाख २४ हजार १५१ जना संक्रमित भइसकेका छन्।

१२ लाख ३९ हजार ८८३ जना उपचार पछि निको भएर घर फर्किएका छन्। नेपालमा ८२ जनामा संक्रमण देखिएको छ । त्यसमध्ये २१ जना निको भएकोमा ३ जनाको भने संक्रमण बल्झिएको छ ।