विश्व न्यूज संवाददाता
अमेरिका ।
गैर आवासीय नेपाली संघ अमेरिकाको आठौं साधारण सभाको तयारी तिव्र गतिमा अघी बढेको छ । इलिनोइस राज्यको शिकागोमा जुलाई ६ र ७ तारिखका दिन संघको साधारणसभा तथा नवनियुक्त कार्यसमितिको पदस्थापनको कार्यक्रम रहेको छ ।
संस्थाको विधान सभाको रुपमा समेत रहेको साधारणसभा सम्पन्न गर्न संस्थाकी उपाध्यक्ष राधा पौडेलको संयोजकत्वमा बनाइएको मुल व्यवस्थापन समिति तथा विभिन्न उपसमितिहरुले कामलाई द्रुत गतिमा अघि बढाएका छन् ।
साधारणसभाको उद्घाटन समारोहमा नेपालका पूर्व उपप्रधानमन्त्री विजय कुमार गच्छेदार, गैर आवासीय नेपाली संघ अन्तराष्ट्रिय समन्वय परिषद्का अध्यक्ष भवन भट्ट, उपाध्यक्ष कुल आचार्य लगायत अतिथिका रुपमा सहभागि हुने बताइएको छ ।
साधारण सभाका लागि संघकी मिड वेष्ट क्षेत्रीय उपाध्यक्ष पौडेल कन्भेनर तथा त्यस क्ष्ँेत्रवाट आइसिसी सदस्य धर्म भट्टराई, बोर्ड अफ डाइरेक्टर गोपेन्द्र भट्टराई, इलिनोइस च्याप्टर अध्यक्ष सत्य चौधरी,विस्कन्सिन च्याप्टर अध्यक्ष बुद्धी सुवेदी,अहोवा च्याप्टर अध्यक्ष महेन्द्र श्रेष्ठ, इण्डियाना च्याप्टर अध्यक्ष राजीव श्रेष्ठ, मिचिगन च्याप्टर अध्यक्ष जगनलाल श्रेष्ठ(विपिन) र केन्टकी च्याप्टर अध्यक्ष डिलु पराजुली को कन्भेनरको रुपमा रहेका छन् ।
यसैगरी, साधारणसभालाई व्यवस्थित रुपमा सम्पन्न गर्न विभिन्न उपसमितिहरु समेत बनाइएको छ । भर्खर सम्पन्न निर्वाचनवाट उपाध्यक्ष्ँमा विजयी बुद्धी सुवेदीको संयोजकत्वमा आर्थिक व्यवस्थापन, राज थापाको संयोजकत्वमा होटल व्यवस्थापन, गोविन्द श्रेष्ठको संयोजकत्वमा दर्ता ,इनद्रलाल चौधरीको संयोजकत्वमा स्वयंसेवक परिचालन, बाला घिमिरेको संयोजकत्वमा खाद्यान्न व्यवस्थापन, विन्दु सापकोटाको संयोजकत्व र शिकागो ल्याण्ड नेपलिस फ्रेन्डसिप सोसाइटीको सहभागितामा सांस्कृतिक तथा झाकी प्रर्दशन, सुमन वस्तीको संयोजकत्वमा अतिथि सत्कार, कविता नेपालको संयोजकत्वमा स्वागत, जगन निरौलाको संयोजकत्वमा स्थानीय मिडिया प्रचारप्रसार , ललनदेव जिसीको संयोजकत्वमा मञ्च व्यवस्थापन, रोशन अधिकारीको संयोजकत्वमा स्टेशनरी व्यवस्थापन, सुरज घिमिरेको संयोजकत्वमा खेलकुद आयोजना उपसमितिहरु ब्नाइएको छ । यस्तैं, साधारणसभा सुरु हुनु अघि जुलाई ५ मा हुने वेलकम नाइटको लागि डिलु पुराजुलीको संयोजकत्वमा डिनर नाइट व्यवस्थापन उपसमिति बनँइएको छ । सबैं उपसमितिहरु मार्फत कार्यहरु अघि बढाइएको कन्भेनर राधा पौडेलले जानकारी दिइन् । साधारणसभामा उपस्थिति उल्लेख्य रहने अपेक्षा आफुहरुले गरेको बताउदैं उनले विधान संसोधनदेखि पदस्थापनको कार्यक्रम समेत रहेकाले सहभागिता राम्रो रहने भएकाले त्यही अनुरुपकैं तयारी थालिएको बताइन् ।
उनले सहभागि हुन आउने हरुलाई साधारणसभा हुने होटलको लागि होटल बुक देखि सहभागिताको लागि अनलाइन दर्ताको काम छिटो गर्न समेत आग्रह गरिन् ।