काठमाडौं । नेपाल एयरलाइन्सको वाइडबडी जहाज अष्ट्रेलियाको सिड्नी उडेको छ । अष्ट्रेलिया र न्यूजिल्याण्डका कूल २ सय ८१ जना यात्रु बोकेर नेपाल एयरलाइन्सको जहाज सिड्नीतर्फ उडेको हो ।

नेपाल एयरलाइन्सको जहाज पहिलो पटक सिड्नी उडेको हो । यसअघि नेपाल एयरलाइन्सको जहाज अष्ट्रेलियाको ब्रिस्वेनका लागि उडेको थियो ।

यो जहाजले मलेसियाको क्वालालाम्पुरमा तेल भरेर सिड्नीतर्फ उडेको हो । जहाज बिहीबार बिहान काठमाडौं आइपुग्ने छ ।

बुधबार नै नेपाल एयरलाइन्सको अर्को जहाज भने चीनको राजधानी बेइजिंगका लागि उडेको छ । यो जहाजले भने कोरोना भाइरससँग लड्न मेडिकल किट ल्याउने भएको छ ।

चीनको राजधानी बेइजिंगमा समेत नेपाल एयरलाइन्सको वाइडबडी जहाजले पहिलो पटक उडान भरेको हो ।