न्युयोर्क

जुत्ता उत्पादनको दुनियाँमा शिखरमा रहेको नाम “नाइक” ले कोरोना भाइरसको महामारीमा ३२ हजार ५ सय जोर नयाँ जुत्ता दान दिने भएको छ । अमेरिकाको ओरेगन राज्यस्थित मुख्य कार्यालय रहेको नाईकले अमेरिका र युरोपको स्वास्थ सेवा क्षेत्रको लागि आफ्नो नयाँ उत्पादन “जुम प्लस” दिन लागेको सोमबार जनाएको हो । नाईकले निकट भबिष्यमा “गूड ३६०” नामक गैह्र नाफामुलक संस्था मार्फत अमेरिकामा र युरोपमा स्थानीय संस्थासँग सहकार्य गरेर अर्को १ लाख ४० हजार जोर जुत्ताको साथमा लत्ता कपडा र स्वास्थ सामाग्री बितरण गरिने समेत जनाएको छ । नाईकले सन् २०१९ मा पहिलो पटक “एयर जुम प्लस” जुत्ता स्वास्थकर्मीहरुलाई लक्षित गरी तयार गरेको थियो । कम्पनीले उक्त जुत्तालाई ओरेगनस्थित हेल्थ एण्ड साईन्स युभर्सिटीका कर्मचारी र डोएर्नबिचर चिल्डेर्न हस्पिटलका कर्मचारीहरुलाई जुत्ता लगाउन दिएर परिक्षण गरेको थियो ।