स्वास्थ्य

उदयपुरमा कोरोना भेटिएकामध्ये थप ८ जनाले जिते कोरोना, आज डिस्चार्ज

फाइलफोटो

विराटनगर । नेपालमा कोरोना संक्रमणको दर तुलनात्मक रुपमा सुस्त छ । त्यसमा पनि कोरोनाबाट रिकोभर हुनेको संख्याले समेत उत्साहित बनाइरहेको छ ।

उदयपुरको भुल्केबाट कोरोना संक्रमित पुष्टी भई बिराटनगरमा उपचार गराइरहेका थप ८ जना आज डिस्चार्ज हुँदैछन् ।

लगातार तेस्रो पटकको परीक्षणमा समेत नतिजा नेगेटिभ आएपछि उनीहरुलाई डिस्चार्ज गर्न लागिएको हो । ८ जना मध्ये एक जना भने भारतीय नागरिक हुन् ।

विराटनगरको कोशी अस्पतालले आज उनीहरुलाई बिदाई गर्दैछ । अब नेपालमा कोरोना जित्ने संक्रमितको संख्या ३० पुगेको छ ।

जसमा दुई जनामा फेरी संक्रमण बल्झिएको छ । कोशी अस्तपालबाट यसअघि ६ जना डिस्चार्ज भइसकेका छन् ।

उदयपुरमा मात्र २८ जनामा संक्रमण पुष्टी भएको थियो । त्यसमध्ये १५ जना निको भएका हुन् । अझै १३ जना अस्पतालमा छन् ।

उनीहरुको समेत स्वास्थ्य अवस्था सामान्य रहेको बताइएको छ ।