अमेरिका

डेमोक्रेटिक प्रेसिडेन्सियल डिबेटका लागि २० जनाको सूची तयार, अग्रभागमा बाईडेन

न्यूयोर्क
डेमोक्रेटिक नेशनल कमिटीले राष्ट्रपतीय बहसका लागि २० जना उम्मेद्वारको सूची तयार पारेको छ । पार्टीले तोकेको मापदण्ड पुरा गर्ने उम्मेद्वारलाई बहसमा सहभागि गराउने घोषणा अनुरुपको सूची तयार पारिएको हो ।

सूचीमा पूर्व उपराष्ट्रपति जो बाईडेन, भर्माउन्ट सिनेटर बर्नी स्यान्डर्स, साउथ बेन्ड मेयर पिट बुटिगग, क्यालिफोर्निया सिनेटर कमला ह्यारीस, मासाचुसेट्स सिनेटर एलिजावेथ वारेन, टेक्सासका पूर्व रिप्रीजेन्टेटिभ बेटो ओ’रर्क, व्यापारी एन्ड्रु याङ, न्यूजर्सी सिनेटर कोरी बुकर, पूर्व सेक्रेटरी हुलियान क्यास्ट्रो, रिप्रीजेन्टेटिभ तुलसी गब्बर्ड, वासिंटन गभर्नर जे इन्स्ली, मिनिसोटा सिनेटर एमी क्लोबुचार, लेखक मरिन विलियमसन, न्यूयोर्क मेयर विल दे ब्लाजियो, कोलोराडो सिनेटर माइकल बेन्नेत, पूर्व मेरिल्याण्ड रिप्रीजेन्टेटिभ जोन डेलानी, न्यूयोर्क सिनेटर क्रिष्टीन जिलीब्राण्ड, पूर्व कोलोराडो गभर्नर जोन हिकेनलुपर, रिप्रीजेन्टेटिभ टिम रायन र रिप्रीजेन्टेटिभ एरिक स्वालवेल छन् ।

उम्मेद्वारी घोषणा गरेकामध्ये मोन्टाना गभर्नर स्टिभ बुलोक, रिप्रीजेन्टेटिभ सेट मोल्टन, मेयर वायने मेसन भने बहसमा छुटेका छन् । पहिलो बहस जुन २६ र २७ मा मियामीमा हुनेछ ।