नयाँ दिल्ली । भारतमा कोरोना भाइरसका कारण ज्यान गुमाउने व्यक्तिको आंकडा हरेक दिन उकालो लागिरहेको छ ।
शुक्रबारसम्मको तथ्यांक अनुसार त्यहा १ हजार ८ सय ८६ जना व्यक्तिको कोरोनाका कारण ज्यान गएको हो । यस मुलुकमा कोभिड–१९ बाट संक्रमितको संख्या भने ५६ हजार ३४२ पुगेको छ ।
भारतीय स्वास्थ्य तथा परिवार कल्याण मन्त्रालयका अनुसार संक्रमणबाट निको भएका विरामीको संख्या १६ हजार ५३९ जना रहेको छ ।
भारतमा सबैभन्दा बढी प्रभावित राज्य महाराष्ट्र हो । यहाँ १८ हजार १२० नागरिक कोरोना भाइरसबाट संक्रमित भएका छन् ।
गुजरातमा ७ हजार १३ जनामा कोरोना भाइरस देखिएको छ । दिल्लीमा ५ हजार ९८० जना संक्रमित रहेका छन् ।
भारतमा अहिले लकडाउन खुकुलो पारिएको छ । शर्तसहित व्यवसाय संचालनमा आउन लागेको छ ।
