मनोरञ्जन

गायक प्रेम सेन्चुरीको 'परदेशले मलाइ रुवायो' सार्बजनिक

न्यूयोर्क

लाखौं नेपालीहरु आफ्नो जन्मभूमिबाट टाढा बसेर भबिष्यका सुनौला सपना बुन्दै कठिन पल गुजारिरहेका छन् । परदेशको कथा पिडा आफ्नै छ । यस्तै यथार्थ कथामा आधारित रहेर गायक प्रेम सेन्चुरीको शब्द/संगीत/स्वरमा नयाँ गीत “परदेशले मलाइ रुवायो” हालसालै सार्बजनिक भएको छ । आफ्नो देश छोडेर परदेशको भूमिमा सहनु परेको एक्लोपनको छटपटी गीतमा समेटिएको छ । बिरानो ठाउँमा सुख खोज्दा खोज्दै आधा उमेर बितिसकेपनि सुख नभेटिएको र जन्मभूमिको यादले हरपल सताई रहेको हुनाले आफ्नै देश फर्कने बाचा गीतमा गरिएको छ ।

हाल अमेरिकाको न्युयोर्कमा रहेका गायक प्रेम सेन्चुरीले बिगत २ दशक अघिदेखिको सांगीतिक यात्रामा रेडियो नेपालदेखि आफ्नै प्रस्तुतिका गीति एल्बम र फुटकर सबै गरेर दर्जनौं गीत गाइसकेका छन् ।