समाचार

आइतबारबाट उपत्यकामा सबै सरकारी कार्यालय सूचारु

काठमाडौं । ११ चैतयता लकडाउनका कारण घरमै बसेका सरकारी कर्मचारी अब आइतबार बाट नियमित कार्यालय जानु पर्ने भएको छ ।

सरकारले निजी क्षेत्रतर्फ धेरैजसो क्षेत्र सन्चालनको निर्णय गरेपछि सरकारी कर्मचारीलाई पनि कार्यालय बोलाएको हो ।

प्रधानमन्त्री तथा मन्त्रीपरिषद् कार्यालयका अनुसार आइतबारबाट काठमाडौं उपत्यकाका सरकारी कार्यालयहरु पूर्ववत रुपमा सन्चालन हुनेछन् ।

कार्यालय सूचारु भएपनि कर्मचारीको उपस्थिति भने प्रभावित हुन सक्नेछन् ।

बुधबार मन्त्रिपरिषद बैठकले बढीमा एक चौथाइ कर्मचारीहरुमार्फत् सेवा प्रवाह गर्ने निर्णय गरेको हो । सोहीकारण सरकारी कार्यालयहरुले पनि आइतबारदेखि नियमित काममा हाजिर हुन कर्मचारीहरुलाई निर्देशन दिएका हुन् ।

यो समय बजेट निर्माणको हो । नेपालका ५ जेठसम्म लकडाउन जारी छ । यसबेला बीना काम भने घरबाहिर निस्क्न पाइदैन ।