काठमाडौं । नेपालमा ७२ हजार २ सय ३९ नमुनामा कोरोना परीक्षण भएको छ । सरकारले हालसम्म देशभर कोरोना परीक्षणको संख्या ७२ हजार नाघेको जानकारी दिएको छ ।

स्वास्थ्य तथा जनसंख्या मन्त्रालयका अनुसार शनिबार सम्म र्‍यापिड डाइग्नोस्टिक टेस्ट (आरडिटी) विधिमार्फत ५५ हजार ९ सय ३० वटा र पिसिआर विधिमार्फत १६ हजार ३ सय ९ वटा गरी कुल ७२ हजार २ सय ३९ वटा परीक्षण गरिएको छ ।

मन्त्रालयका अनुसार पछिल्लो २४ घण्टामा मात्र १ हजार ७ सय ४२ वटा परीक्षण गरिएको छ । मन्त्रालयका प्रवक्ता विकास देवकोटाका अनुसार सबैभन्दा धेरै सुदुरपश्चिम र बागमति प्रदेशमा नमुनाको परीक्षण् भएको छ ।

सबैभन्दा कम भने प्रदेश नं १ मा भएको छ । शनिबारसम्म देशभर क्वारेन्टाइनमा १४ हजार ५ सय ९२ जना छन् ।

देशभर सम्भावित संक्रमित र संक्रमित गरी १ सय ४३ जना आइसोलेशनमा छन्। नेपालमा कूल १ सय ९ जनामा कोरोना पुष्टी भएको छ ।