दाङ । दाङमा निर्माणाधीन भवनको ढलानले किच्दा ३ मजदुरको निधन भएको छ । शनिबार बिहान लमही नगरपालिका–७ स्थित सम्राट सिमेन्ट उद्योगमा भवन निर्माणको काम चल्दै गर्दा भवनको ढलान भत्किएको वडा प्रहरी कार्यालय, लमहीले जानकारी दिएको छ ।

मृत्यु हुने तीनै जना भारतीय कामदार रहेको बताइएको छ । कार्यालयका अनुसार मङ्गल कस्यव, दयाल हरेन र साहेवको दूर्घटनामा परी ज्यान गएको हो ।

भारतको झारखण्डबाट कामको खोजीमा उनीहरु नेपाल आइ रोजगारी गरिरहेका थिए । घटनामा अन्य तीन मजदूर घाइते भएका छन् । त्यसमध्ये दुई जनाको उपचारबुटवलमा भइरहेको छ ।

कमसल ढलानका कारण दूर्घटना भएको र यस सम्बन्धमा थप अनुसन्धान भइरहेको प्रहरीको भनाई छ ।