स्वास्थ्य

काठमाडौंमा दुई प्रहरीमा कोरोना भएको पुष्टि

काठमाडौं । काठमाडौंमा ड्युटीमा खटिएका दुई प्रहरीमाथी कोरोना संक्रमण पुष्टि भएको छ।

महानगरीय प्रहरी वृत्त कालीमाटीमा कार्यरत दुई जना प्रहरीमा कोरोना भएको देखिएको पुष्टि भएको छ ।राजधानीमा प्रहरी नायव निरीक्षक( सई) र प्रहरी जवानमा कोरोना संक्रमण देखिएको वृत्तले पुष्टि गरेको छ ।

उनीहरु दुवैजना लकडाउनको समयमा फिल्डमा खटिएको बताइएको छ ।

यसअघि काठमाडौं र भक्तपुरमा समेत सशस्त्र प्रहरीका दुई जनामा कोरोना संक्रमण देखिएको छ । सङ्क्रमित सबैको अहिले अस्पतालमा उपचार जारी छ ।

महोत्तरीको बर्दिवास नगरपालिकाको किसान नगरमा अवस्थित मध्यपूर्वी पृतनाका पृतनापति ५२ वर्षीय उपरथी र सेनाका एमबीबीएस डाक्टरमा समेत शनिवार संक्रमण पुष्टि भएको छ ।