समाचार

गभर्नर कुमोलाई अदालतमा नालिस : शुक्रबारदेखि न्युयोर्कमा दश जनासम्म भेला हुन पाउने

न्युयोर्क

न्युयोर्क राज्यमा १० जनासम्म भेला हुन खुल्ला गरिएको छ । यस अगाडि न्युयोर्क राज्यका गभर्नर एन्ड्रु कुमोले आगामी २५ तारिख सोमबार परेको मेमोरियल डे र केही धार्मिक कृयाकलापको लागि मात्र जमघट गर्न दिने संकेत गरेका कारण गभर्नरलाई उनको नीति भेदभाब पूर्ण भन्दै अदालतमा नालिस दिइएको थियो । कोरोना महामारीका कारण गत मार्च मध्यदेखि राज्यस्तरमा ‘लकडाउन’ गरिएको कारण न्युयोर्क सिभिल लिबर्टिज युनियनले गभर्नर कुमोलाई अदालतमा नालिस दिएपछि शुक्रबार साँझदेखि १० जनासम्म भेला हुन पाउने निर्णय गरिएको छ । यस अगाडि न्युयोर्कमा जारी लकडाउनको बिरोधमा न्युयोर्क सिटी हल अगाडि केही दिनदेखि बिरोध प्रदर्शनी समेत भएको थियो । गभर्नर कुमोले १० जनासम्म मानिस कानूनले बर्जित नगरेको काम बाहेकमा भेला हुन पाउने संसोधित कार्यकारी आदेशमा शुक्रबार हस्ताक्षर गरेका छन् ।  

केही समयदेखीि गभर्नर कुमोद्वारा जारी गरिएको राज्यस्तरको लकडाउन र स्टे होम अर्डरको बिरुद्ध न्युयोर्क सिटीहल अगाडि बिरोध प्रदर्शन गर्दै आएकी लिण्डा बोफर्गन जो २ पटक बिरोध प्रदर्शनीको क्रममा पक्राउ परेकी थिईन । उनकै पक्षमा सिभिल लिबर्टिज युनियनले अदालतमा नालिस दिएको थियो ।