न्युयोर्क

अमेरिकाना प्रत्येक ३ जना कोरोना संक्रमित मध्ये १ जना बिना लक्षण हुने गरेको सेन्टर फर डिजिज कन्ट्रोल एण्ड प्रिभेन्सनद्वारा जारी  नयाँ निर्देशिकामा जनाईएको छ । सि डि सि को पछिल्लो अद्यावधिक  सुचनाका अनुसार अमेरिकामा ३५ प्रतिशत कोरोना संक्रमितमा लक्षण नै नदेखिने गरेको जनाईएको हो । सि डि सिले कोरोना लक्षण देखिने मानिसहरु मध्येबाट भने सुन्य दशमलब ४ प्रतिशतको र अति नै खराब अवस्था भएमा १ प्रतिशतसम्मको अनुपातमा मानिसको मृत्‍यु हुने जनाईएको छ ।  

सि डि सिका अनुसार ६५ बर्ष मुनिका ३ दशमलब ४ प्रतिशत मानिसलाई अस्पताल भर्ना गरेरै उपचार गर्नु पर्ने र ६५ बर्ष माथिका ७ दशमलब ४ प्रतिशतलाई अस्पतालमा राखेर उपचार गर्नु पर्ने गरेको बताईएको छ । एजेन्सीका अनुसार ६५ बर्ष माथिका संक्रमित मध्ये १ दसमलब ३ प्रतिशतको मृत्‍यु हुने गरेको र ४९ बर्ष मुनिका संक्रमित मध्ये भने सुन्य दशमलब ५ प्रतिशतको मात्र मृत्‍यु हुने गरेको छ । सि डि सिले यी अंकहरु कोभिड -१९ को अनुसन्धान र ब्यबस्थापनको उदेश्यले तयार पारिएको र समय समयमा फरक हुने गरेको समेत जनाएको छ । गत अप्रिल २९ सम्मको आँकडाको आधारमा सि डि सिले केही नयाँ निष्कर्ष सार्वजनिक गरेको हो ।  

सि डि सि का अनुसार ४० प्रतिशत कोरोना संक्रमण मानिस बिरामी देखिनु अगाडि नै अर्को मान्छेमा सरि सक्ने गरेको छ ।