काठमाडौं

चलचित्र विकास बोर्डको रिक्त अध्यक्ष पदका लागि सूचना तथा सञ्चार प्रविधि मन्त्रालयले एक सुचना जारी गरि इच्छुक नेपाली नागरिकलाई दरखास्त दिन आह्वान गरेको छ । सिने पत्रकार तथा कलाकार भिमा मैनालीले आफुसँगको व्यवस्थापकीय क्षमता र योग्यता सहितको आवेदन परेपछि सबैको ध्यान एक्लो महिला आवेदकमा परेको छ । सो आह्वानसँगै चलचित्र बिकास बोर्ड अध्यक्षका लागि चलचित्रकर्मिहरु अगाडि सरेका छन् । जसमा १० जनाको आवेदन परेको छ । चलचित्र विकास बोर्डका तत्कालीन अध्यक्ष केशव भट्टराईको गत मंसिर २९ गते निधन भएपछि सो पद रिक्त रहँदै आएको छ ।

चलचित्र विकास बोर्डको अध्यक्ष पदका लागि आवेदन दिएका भीमा मैनाली २० वर्षभन्दा लामो समयदेखि कलाकारिता क्षेत्रमा निरन्तर सक्रिय छन् । काभ्रेका मैनालीले ‘थोरै भए पुगीसरि’, ‘जीवनचक्र’ लगायतका थुप्रै टेलीशृंखला, चलचित्रहरुमा समेत अभिनय गरिसकेकी छन् । साथै उनी रेडियो तथा टेलिभिजनमा कार्यक्रम प्रस्तोताको रुपमा पनि काम गर्दै आएकी छन् ।