02-Jul-2020 | १८ असार २०७७, बिहीबार

कोरोना महामारी बीच अमेरिकामा १३ बर्षीय बालकले चार बिषयमा पुरा गरे एसोसिएट्स डिग्री

१६ जेष्ठ २०७७, शुक्रबार ०   बिचार / प्रतिक्रिया


एजेन्सी

कोरोनाको कारण सबैतिर निराशा छाइरहेको समयमा अमेरिकामा एक जना बालकले हासिल गरेको उपलब्धिले भने साँच्चै उत्साहित बनाउँदछ । साधारणतया १३ बर्षको उमेर भनेको भिडियो गेम खेलेर कार्टुन हेर्दै रमाईलो गर्ने उमेर हो ।औपचारिक शिक्षाको कुरा गर्ने हो भने १३ बर्षको उमेर हरेक बाल-बालिकाको ६-७ कक्षामा पढ्ने उमेर न हो । तर यहाँ अचम्मको खबर छ ।

क्यालिफोर्निया ला-मिरादा निवासी १३ वर्षीय एक बालकले चार वटा बिषयमा एसोसिएट्स डिग्री हासिल गरेका छन् । १३ वर्षीय ज्याक रिको नामका ती बालकले फुलर्टन कलेजबाट सोसियल साईन्स, सोसल बिहेभियर, सेल्फ डेभलपमेन्ट, आर्ट एन ह्युमन एक्स्प्रेसन बिषयमा एसोसिएट्स डिग्री हासिल गरेका हुन् । उनले यो डिग्री मात्र दुई बर्ष पढेर हासिल गरेका हुन् । उनी ११ बर्षको उमेरमा कलेज पढ्न गएका हुन । यद्यपी कोरोना महामारीका कारण रिकोको कलेजमा नै गएर दिक्षान्त लिने इच्छा भने यो बर्ष कलेज बन्द भएको कारण पुरा हुन सकेन । बुधबार आयोजित ‘ड्राईब बाई ग्राजुएसन सेरोमनी’ बाट रिको दिक्षित भएका हुन । “मैले साँच्चिकै यो हासिल गर्न सक्छु भन्ने लागेकै थिएन । मलाई अझै पनि यो विश्वास छैन कि मैले यो हासिल गरें” भन्छन् – ज्याक रिको । बाल्यकालदेखि नै बिलक्षण क्षमता देखाउने रिकोले ३ बर्षको उमेरमा ह्वाईट हाऊस जाने ईच्छा गरेको बताउँदै ह्वाईट हाऊस भ्रमण गरेर आएको हप्ता दिन पछि रिकोले उनको आमालाई अमेरिकाको सम्पूर्ण राष्ट्रपति र उप-रास्ट्रपतिको नाम कण्ठस्थ भनेको आमा रु एन्ड्रेई बताउँदछिन । तीन कक्षासम्म सरकारी बिद्यालय पढेका रिकोलाई त्यसपछि घरमा राखेर पढाईएको थियो ।  

रिकोले आफ्नो त्यस अगाडिको शिक्षा लस भेगसस्थित युनिभर्सिटी अफ नेभाडाबाट लिने सोच गरेका छन् । सन् १९१३ मा स्थापित क्यलिफोर्नियास्थित  फुलर्टन कलेज सबैभन्दा पुरानो सामुदायिक कलेज हो ।

Loading...

फेसबुकबाट तपाईको प्रतिक्रिया

सम्बन्धित समाचार