समाचार

संसदमा रडाको, कांग्रेसले बोल्न नदिएपछि प्रधानमन्त्रीको पत्रकार सम्मेलन

काठमाडौं । मंगलबार प्रतिनिधि सभा बैठकमा सरकार र प्रमुख प्रतिपक्षी दल नेपाली कांग्रेस बीचको विवादले उग्र रुप लिएको छ ।

विपक्षी दलको नेता पहिले बोल्ने कि प्रधानमन्त्री पहिला भन्ने विवादकै कारण मंगलबार संसद अवरुद्ध भयो ।

सभामुखले आफ्नो दलका नेतालाई बोल्न नदिइ सिधै प्रधानमन्त्री केपी शर्मा ओलीलाई समय दिएको भन्दै कांग्रेसका सांसदले संसद अवरुद्ध पारे । त्यसपछि रोष्टममा पुगिसकेका प्रधामनमन्त्रीले सम्बोधन गर्न पाएनन् र फर्किए ।

संसदमा बोल्न नपाएका प्रधानमन्त्रीले मंगलबार नै साँझ पत्रकार सम्मेलन मार्फत प्रमुख विपक्षी दल, संचारमाध्यम तथा अन्य विषयमा तिब्र आलोचना गरे । पत्रकार सम्मेलनमा बोल्दै प्रधानमन्त्रीले असन्तुष्टी भए वार्ताका माध्यमबाट समाधान खोज्न सकिने बताएका थिए ।

बैठकपछि पत्रकारसँग कुरा गर्दै कांग्रस सभापति देउवाले प्रधानमन्त्रीले बोलिसकेपछि आफूले बोल्नुको औचित्य नहुने आषयको छोटो प्रतिक्रिया दिएका थिए ।

संसद बुधबारसम्मका लागि स्थागित भएको छ । घटनापछि प्रधानमन्त्री ओली टूइटरबाट पनि आफ्नो धारणा सार्वजनिक गरेका थिए ।

उनले प्रमुख विपक्षी दलले रोष्ट्रम घेरी अबरोध गरेका कारण युरोप भ्रमण र गुठी बिधेयकलगायत समसायिक बिषयमा रहेका जनचासोका सन्दर्भमा सदनलाई जानकारी गराउन नपाउँदा आफू दुखी भएको बताए ।

प्रधानमन्त्रीले यूरोप जाने बेला संसदलाई जानकारी नगराएकोमा पनि कांग्रेसको असन्तुष्टी रहेको छ ।